Unsay katungodsa kapuyo sa ilang kabtangan

Dear Atty. Divine,

Aduna ko karoy live-in partner ug wala mi anak. Karong bag-o aduna mi house and lot nga gipalit pinaagi sa installment ug mao kini karon ang among gipuy-an. Ang akong pangutana kun adunay mahitabo sa usa kanamo, aduna bay katungod nga mo-inherit ang nahibilin nga live-in partner? Kun pananglit magbuwag mi, unsaon namo pagbahin ang property? Daghang Salamat. -- Lisa

* * *

Dear Lisa,

Basi sa Article 147 sa atong Family Code, kini nagkanayon nga kun ang babaye ug lalaki magtipon sa pagpuyo ug ang duha way kabilinggan nga magminyo, ang ilang sweldo ug uban pang income mapanag-iya kanilang duha lakip na ang mga kabtangan nga ilang mapalit atol sa ilang panagtipon. Apan kun pananglit ang usa kanila walay actual contribution sa napalit nga property kay wa kini income, makonsiderar gihapon siyang adunay contribution kun siya maoy nag-atiman sa ilang pamilya ug sa ilang panimalay.

Tungod niini, ang usa kanila, dili mamahimong mobaligya sa maong property nga way pagtugot sa usa, busa silang duha gyud ang mouyon sa pagbaligya niini. Apan kun mamatay ang usa kaninyo, way katungod ang nahibilin sa pag-inherit sa share sa namatay kay di man sila kasal, busa adto kini mapunta sa mga compulsory heirs sa namatay. Kun magbuwag mo, mamahimo ninyong ibaligya ang property ug inyong bahinon ang halin niini in equal share. Thank you and God bless. -- Atty. Divine

* * *

Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.