Alcover batok Baclayon Part I

Gipanawagan ni Konsehal Jun Alcover ang pagpakanaog ni Joe Baclayon sa iyang katungdanan isip pangulo sa  City agriculture department (CAD) tungod sa iyang palpak nga trabaho.

 Giingon sa konsehal sa Dakbayan sa Sugbo nga walay programa nga gihimo si Baclayon alang sa pagpangandam  sa EL Nino human napakyas si Baclayon sa pag sumiter ngadto kaniya sa iyang gipangayo nga programa nga giandam sa CAD alang sa El Nino.

Pamatuod niini, wa makaabot og dos milyones ka pesos ang nagamit sa CAD sa hapit moabot siyam ka milyon ka pesos nga gigahin sa dakbayan alang sa mga programa sa nahisgutang departamento.

Apan niadtong Enero 23 ning tuiga sa iyang interview sa Sugbuanon Chanel sa tulumanon “Kumusta Ka Sugbo”nga gimantala usab sa Cebu City News and Information. Giingon ni Joe Baclayon nga mipakusog na ang CAD sa iyang mga programa og proyekto alang sa pag armas sa mga mag-uuma batok sa epekto sa El Nino.

Naguna sa ilang mga programa mao ang pagbansay sa 12,000 ka mga rehistradong mag-uuma sa dakbayan unsaon pag atubang ang huwaw. Gani, nag sige na sila og himo og caravan.

Gipaapil na usab nila ang mga official sa barangay og mga mag-uuma sa ilang gihimomg caravan aron dali nga mo katap ang kasayuran. Gipatuman dayon ang ilang gipasiugdahan nga mga programa og proyekto alang sa mga mag-uuma human gi deklarar sa konseho sa dakbayan sa Sugbo ang estado sa pag pangandam alang sa El Nino niadtong Marso sa niaging tuig.

Giingon ni Baclayon nga ila nang gibisita ang mga bukirang barangay alang sa paghimo og imbentaryo sa mga produkto niini nga posibleng maapektuhan sa El Nino.

Giapil usab nila sa pag imbentaryo ang ilang mga tinugdan sa tubig. Ila usab nga giila ang short, medium, og long term nga mga proyekto nga ilang mapatuman sa kada barangay sa dili pa og atol sa El Nino.