Road right of way

Dear Atty. Divine,

Duna mi napalit nga yuta nga nahimutang sa interior nga bahin. Gusto unta namo nga tukuran og balay, apan ang problema kay wa mi agianan. Ang original owner sa yuta atubangan sa among napalit namatay na ug ang mga anak nagbahin-bahin na sa maong property. Ang akong pangutana kun maka pangayo ba mi og agianan padung sa among property? Unsay may angayan namong buhaton aron makakuha mi og road right of way?

Jenny

* * *

Dear Jenny,

Kun wa gyuy laing agianan padung sa inyong property, maka-demand mo og road right of way sa mga anak nga mao nay nanag-iya sa yuta. Basi sa balaod, obligado sila nga mohatag og agianan alang sa mga nagpuyo sa luyo nga bahin nga walay laing dalan nga kaagian.

Mas maayo sultian ang mga anak labot sa imong request nga agianan sa dili pa ka motukod og balay sa inyong yuta. Lain nimong option aron pagseguro nga mahatagan gyud ka og road right of way, imong bayran ang portion sa yuta nga  maoy imong agian padung sa imong property ug human niini imong ipa annotate sa ilang tax declaration or sa title sa ilang property aron bisan kinsa pa ang manag-iya niini, magpabilin ang inyong agianan. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.