Dear Atty. Divine,
Ang amahan sa akong best friend namatay ug aduna kini gibilin nga sakyanan para kaniya. Ang iyang mama buhi pa ug mi execute na kini og Deed of Donation alang sa iyang share sa maong sakyanan in favor sa akong best friend nga iyang anak. Karon gustong ibaligya sa akong amigo ang maong sakyanan. Ang akong pangutana kun kinahanglan pa ba nga mopirma sa dokumento sa pagbaligya sa maong sakyanan ang iyang inahan bisan kun iya nang gi-donate ang iyang share niini? Daghang salamat.
Cris
* * *
Dear Cris,
Kun wa pa mabalhin ang rehistro sa sakyanan ngadto sa pangan sa imong amigo nga maoy gihatagan sa sakyanan, mas maayo nga silang duha nalang sa iyang inahan ang mopirma sa dokumento sa pagbaligya isip mga compulsory heirs sa namatay nga registered owner. Kini aron mamahimong usa ra ang transaction niini sa pag-transfer unya sa rehistro sa sakyanan ngadto sa bag-ong buyer. Kun dili mopirma ang inahan mamahimo man apan kinahanglan nga iyang i-submit og apil ang Deed of Donation nga gi execute niini og mamahimo na unyang duha ang transaction niini, una ang Deed of Donation ug ang ikaduha mao ang pagbaligya. Thank you and God.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.