Vlogger namalit, napiit

Justice and truth cannot be achieved in trial by publicity but by a day in court.  Mao kini ang mensaheng gipalanog ni Vice President Sara  Inday  Z. Duterte-Carpio atubangan sa bagang duot sa katawhan nga mitambong-mipaawas sa 7th Day Liwasang Bonifacio Prayer Rally nga gipasiugdahan sa libolibong miyembro sa Kingdom of Jesus Christ (KJC) ni Pastor Apollo C. Quiboloy, diin giapilan sa mga lumad-kamusliman sa Mindanao ug citizens sa nagkalainlaing dapit sa Pilipinas.

Wala na makapugong si Inday pagpahungaw sa iyang simpatiya ngadto kang Pastor Quiboloy, kinsa daw gihusgahan na daan sa Kongreso ug Senado nga sad-an sa mga kasong ilang gipasangil   mga kasong nasang-at-natuki na sa taga gawas nga korte.

Si Inday mismo, biktima sa garapalang taras sa mga pro-Bongbong Marcos-Liza Araneta-Martin Romualdez supporters nga mga Kongresista ug Senadores.

Diin bisag nagbinuotan-nagmakugihon kanunay sa iyang pagpangalagad, gusto gyong piiton, kuniskunison ug pakasad-on pinaagi sa mga inimbentong pasangil sa nahiktan na sa liog nga mga tuta aron hingpit matuman ang nagakatin-awng  Sara, Tatay Digong and Quiboloy demolition job  nga hagbay rang giplano sa ilang ambisyosong mga amo.

Gikan sa dakong tinguha nga hingpit irebokar sa administrasiyong Marcos ang prangkisa sa SMNI ngadto na sa pagsakmit sa tanang bahandi g kabtangan ni Quiboloy uban ang pagpanghayir og binayrang vloggers, mga yawan-ong pagpangabuso uroy kini nga mas labaw pa ka Hudas ug kabangis sa Martial Law ni kanhi diktador Ferdindan E. Marcos Sr. 

May vlogger mi-post sa social media ug nanabi-mipaakita nga mga binayran kuno ang nangapil sa nahisgotang rally. Pipila sa iyang giinterbiyu, misulti kunohay nga gipamayaran sila sa KJC.

Apan dihang nadumdoman ilang gipuy-an sa taga SMNI reporters ug gisukitsukit, seryosong mitug-an nga scripted ra tanang nilang gihimo, diin sila gidiktaran sa vlogger sa unsay dapat buhaton bugti sa P50-P100 nilang pagpamakak.

Tanan nilang simod gipunting ngadto sa maong bading nga vlogger. Hinungdan, nakorner- napiit! 

Giunay'g piit sa binayran niyang mga dramaturgo, kinsa mihikyad sa matuod hitabo ug nakapaabli sa mga rehas nga posibleng maoy nay puy-an sa vlogger.

Warning shots kini sa vloggers nga humok magpatental sa evil money nga maka-hell. Unta, maoy sundon mga buhat nga ikalipay sa atong Magbubuhat. Nga kanato, makapaha-langit.