Bagong Pilipinas, o Bagoong Pilipinas?

Niay tipik sa makapanglimbawot sa balhibong speech ni Presidente Bongbong Marcos niadtong gipahigayong Bagong Pilipinas kickoff rally didto sa Qurino Grandstand, Manila, Enero 28, 2024:

Ito ang aking mga mahigpit na tagubilin sa mga kawani sa gobiyerno. Una, bawal ang tamad. At makupad sa pamahalaan. Walang puwang ang mga mabagal at sagabal sa serbisyo publiko. Services must be fast.

Projects must be completed on time..Pangalawa, bawal ang hindi tapat at nangungulimbat. Kapag pera ng bayan ang nawala dahil sa katiwalian, ang mga taong paglalaanan sana ng pundong naglaho ay nana-nakawan. Sa Bagong Pilipinas bawal ang waldas...Pangatlo, bawal ang mga pang-api at naghariharian. You are servants of the people, not their lords. Huwag natin pahirapan ang taong bayan. Bagkos, suklian ang ilang tiwala ng magalang na panunungkulan.

Nakaingon kong makapanglimbawot iyang gidiskurso tungod kay kon unsay iyang gisulti wala man gyod makita-mabati ug matagmtam sa katawhan.

PBBM, kagutom ug kalisod sa kapanginabuhian man, uy, maoy giantos sa kinabag-ang hut-ong sa mga timawa, kinsa nailad sa matam-is mong mga saad. Mga oligarko ra gyod, nga gipamutang ninyo sa puwesto ug mga piniling mahiktan ra sa ilang liog maoy nabulahan. Kay bisan sila aduna nay daghan. Inyo pang gidugangan.

Ang subsob pagbisita kuyog imong entourage ngadto sa lainlaing nasod, diin walay klarong return on investment, dili ba pagwaldaswaldas man kini sa kuwarta sa katawhan? Dili ba matod mo,  sa Bagong Pilipinas, bawal ang waldas! ? May exempted ba?

Hinungdan, ubay-ubay'ng political analysts dismayado na sa imong baroganan. Gani, miusab pagngalan sa imong gi-promote nga:  Bagong Pilipinas  ngadto sa  Bagoong Pilipinas.  Kay namatikdan sab nila nga kon unsay imong gidiskurso niadtong rally, wala gyod mo-match sa tinuoray nimong binuhatan. Maong nanimaho na lang bagoong nga giulod ang ilang pagpinaabot sa maong pasalig nga wala gyod moabot.

Ug mabasol ba sila sa pagpahungaw sa aktuwal nilang nasaksihan-natagamtaman? Dapat, isipon nga hinigalang pagpamukaw lamang kining ilang pagkomentariyo. Sanglit, igo ra silang naningil sa gisaad nga good governance nga pagpamunoan ni PBBM, kinsa may upat pa ka tuig kaping nahabilin sa pagbag-o sa iyang agi ug pamaagi: gikan sa maot ngadto sa kinanindotang performance. Kaya pa kaha?