Dear Atty. Divine,
Nagtrabaho ko sa usa ka kompaniya sud na sa tulo ka tuig.
Karong bag-o nakadawat ko og memo gikan sa HR tungod sa akong pag-absent nga wa ko makapananghid.
Ako ning nabuhat tungod sa akong personal problem ug medyo depressed kaayo ko karong panahona.
Matud pa sa HR nga kun dili nako ma-explain ang akong pag-absent hayan mamahimo kining kabasihan sa pagsuspenso kanako o sa pagtaktak sa trabaho. Unsay angayan nako nga buhaton?
* * *
Gerald
Dear Gerald,
Ang pag-absent sa trabaho nga way pananghid makonsiderar kanang pag-abandon sa imong trabaho ug mamahimong kabasihan sa employer sa pagpahamtang og silot basi sa Labor Code.
Mas maayo nga imong tubagon ang maong memo nga gipadala kanimo sa HR og mosulti ka sa tinuod nga aduna kay depression lately hinungdan nga wa ka maka-report sa trabaho. Mas maayo sab nga imong estoryahan sa personal ang inyong HR aron imong mapasabot sa imong sitwasyon. Mas maayo nga sa sunod nga aduna kay problema, mo file ka og vacation leave aron dili maapektuhan ang imong trabaho. Thank you and God Bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.