Nasina sa mga bitoon

Gikompirmar sa Chinese Embassy nga gipatawag sa ilang Ministry of Foreign Affairs  ang Philippine Ambassador sa Beijing nga si Jaime FlorCruz aron mohatag og  responsibleng katin-awan sa congratulatory message ni Presidente Marcos ngadto  sa bag-ong napili nga leader sa Taiwan nga si Lai Ching-te. Supak ug gikasagmuyo  sa China ang gibuhat nga pagtimbaya ni Presidente Marcos ngadto sa bag-ong  Taiwanese leader. Nangabugho tingale ang China ni ng gibuhat sa Pilipinas nga  daw mikaringking ug mipadoding sa karibal niini. Haum sa China ang  panultihon nga,  Bisan ang buwan mahimo pang masina sa mga gagmay ng bitoon.  Muleeeng!

Kusog ang kana-as

Sumala sa pamahayag sa hepe sa militar nga si Romeo Brawner, naglaraw ang  Pilipinas pag-develop sa mga isla diha sa South China Sea nga sakop sa atong  teritoryo aron mahimo kining angayan kapuy-an sa mga military troops. Naumol ang laraw taliwala sa nagkataas nga tensyon tali sa China ug Pilipinas tungod sa  ilang pag-inilogay sa maong lugar. Pagarpar gyud ang Pilipinas. Laraw pa gani,  gibandilyo na. Dili sama sa China nga mahikurat na lang kita sa mga panghitabo  mao nga ulahi kita kanunay sa atong pagpanagang. Tinuod ang panultihon nga   Kusog ang kanaas sa mabaw nga sapa, apan hilom ang agos sa lawom  nga tubig.  Fezteleern!

Nagdala g kaugalingon g silot

Gipahinumduman sa Department of Health ang publiko nga wala pa y gi-aprobahan  ang Food and Drugs Administration (FDA) nga pag-gamit sa intravenous glutathione  nga giingon g makapaputi sa panit. Giluwatan ang maong pahinumdum sa DOH  human mabalita ang usa ka 39 anyos nga ginang nga namatay tungod sa  komplikasyon sa maong intravenous glutathione. Ang atogng pagka-banidoso  (vanity) usahay maoy naghatud kanato sa kaalaotan. Kay ginaingon man nga,   Walay dili mahimong panamastamasan ang pagka-banidoso kay sa  kanunay nagbitbit kini sa iyang kaugalingon g silot . Madahaan!

Summer vacation

Gisugdan na sa DepEd ang konsultasyon tali sa mga stakeholders kabahin sa  pagbalik ngadto sa daan nga academic calendar nga magsugod sa Hunyo ug  matapos sa Marso sa mosunod nga tuig, usa ka proposal nga naduso tungod sa  kalisod nga natagamtaman sa mga magtutudlo ug estudyante sa pagpahigayon sa  klase panahon sa ting-init. Daghan ang maayong rason nga nagpabor sa pagbalik  sa naandan nga academic calendar. Hinaut nga madayon na kini ng maong  laraw kay kon dili basin hingpit na ng mahanaw alang sa mga estudyante  ang pulong nga  Summer Vacation  ug mahikawan usab ang kabataan sa  kahigayonan nga makabaton og kasinatian nga mahitabo lang sa panahon sa summer. Mao maaan!

Pwede ra matulog

Didto sa China, gikataho nga daghan na ang dili segurado nga maka-afford nga  magminyo tungod kay mahal ug dako ang galastohan niini. Ang walay kaseguroan  nga ekonomiya naghatag kabalaka sa mga batan-on busa nagkadaghan kanila ang  nagpabilin na lang nga single. Mao kana y giingon sa akong hamtong nga  amigo nga,  Sa kalisod sa kahimtang karon, ngano ng magminyo man nga  pwede ra man matulog? . Pagkatoytoy!