Estate tax
Dear Atty. Divine,
Duna mi sinunod nga yuta sa among mga ginikanan apan wa namo ma-asikaso ang pag-process sa transfer tungod sa bayranan sa Estate tax. Karong bag-on nagkasabot ming mga heirs nga amo nang i-process og mag-contribute mi sa gastuhan. Apan nakurat nalang mi kay pagkuha namo og certified true copy sa tax declaration sa maong property nabalhin na man sa ilang pangan.Naa daw gipirmahan nga Deed of Sale ang among mga ginikanan nga nagbaligya sa maong property. Apan nagduda mi niini kay wa man gyud maghisgot ang among parents sa dihang buhi pa sila nga ilang nabaligya ang maong property. Unsay angayan namo nga buhaton?
Lucia
* * *
Dear Lucia,
Ang una ninyong buhaton mao ang pagpasaka og reklamo sa Barangay diin mahimutang ang property batok sa mga bag-ong nanag-iya sa inyong property. Ang Barangay mopatawag kanila og ang tumong niini, mao ang pagsettle sa inyong kaso. Inyong pangayuon kanila ang mga dokumento nga mopamatuod nga nabaligya ngadto kanila ang maong property. Kun nagduda mo sa ilang mga dokumento, mamahimo mong modangop ngadto sa Korte pinaagi sa pagpasaka og kaso aron sa pagbawi sa yuta og ang korte na ang modesisyon niini basi sa inyong mga ebidensya nga ipresentar atol unya sa hearing sa inyong kaso. Thank you and God Bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana, pinaagi sa akong column matag Miyerkules, Sabado ug Domingo
- Latest
