Taliwala sa COP28 didto sa Dubai, liboan sa tibuok kalibotan ang miapil sa Global Day of Action for Climate Justice. Ang Power for People Coalition (P4P), miapil sa internasyonal nga komunidad nga nanawagan alang sa paspas ug makatarunganon nga pagbiya gikan sa fossil fuels ngadto sa renewable energy.
Ang global nga siyentipikanhong consensus karon nagkanayon nga kinahanglan na gayud nga limitahan ang pag-init sa kalibotan ngadto sa dili molapas sa 1.5 °C.
Sa miaging pipila ka adlaw, ang gobiyerno sa Pilipinas mihimo og mga lakang alang sa dinalian sa transition ngadto sa renewable energy. Gipirmahan niini ang usa ka saad ngadto sa triple nga renewable energy capacity ug pagpalambo sa energy efficiency sa tibuok kalibotan sa tuig 2030.
Ang mga representante sa delegasyon, ilabina si Environment Secretary Yulo-Loyzaga ug Climate Change Commission Secretary Borje, nagpakita usab sa pagkadinalian sa usa ka makatarunganon nga transisyon.
Apan kami nasubo pag-ayo nga bisan pa man niini, ang Pilipinas nagpadayon sa pagpasagad sa responsibilidad niini sa paningkamot sa hingpit nga paghunong sa tanang fossil fuel sa nasud.
Kami nanawagan sa gobiyerno sa Pilipinas nga mosunod sa kampanya alang sa usa ka global nga fossil fuel phaseout ug 100% renewable energy transition. Kinahanglan usab nga ang gobiyerno nga mohunong sa dilly-dlying ug magsugod na sa transisyon ug renewable energy pledges nga gihisgutan sa COP 28. Ang pinakabag-o nga anaa nga siyensya alang sa sektor sa kuryente sa Pilipinas naghulagway usab nga ang 100% nga renewable energy transition compatible ngadto sa 1.5 °C, pinaagi sa pag-phase out sa coal sa 2035 ug sa gas sa 2040. Makabenepisyo niini ang mga Filipino communities ug mga konsumidor.
Busa among giawhag ang gobiyerno sa Pilipinas nga sundon ang kaugalingong tambag ni Secretary Yulo-Loyzaga: ang paghimo sa "ambisyon ngadto sa aksiyon."
I-phase out ang mga fossil fuel! Ipataas ang ambisyon sa klima! Padayon ngadto sa 100% renewable energy-powered future! Gahum sa katawhan! Power for People Coalition (P4P)