Gustong magminyo nga way parental consent sa gikananan

Dear Atty. Divine,

Ang akong amiga  gusto nang magminyo. Ang iyang boyfriend nga gustong mangasawa niya wa kagustuhi sa iyang mga ginikanan. Kini maoy hinungdan nga wa niya sultii ang iyang parents nga magminyo na siya. Ang akong pangutana kon mamahimo bang legal ang ilang kaminyuon bisan kon way pagtugot sa ilang ginikanan ang ila unyang pagpakasal? Daghang salamat. — Kathy

Dear Kathy,

Basi sa Article 5 sa atong Family Code, ang si bisan kinsa nga nagpangidaron og 18 anyos pataas og way kabilinggan nga magminyo mamahimo  nga magpakasal. Apan ang atong balaod adunay additional requirements kon ang gustong magpakasal nagpangidaron pa lang og 18 anyos ngadto na sa 21 anyos. Basi sa Art. 14 sa atong Family Code gikinahanglan ang  Parental Consent sa mga ginikanan o guardian alang sa mga gustong magminyo nga  18 anyos ngadto na sa 21 anyos pinaagi sa personal nga pag appear niini sa Civil Registrar o pinaagi sa pag execute og Affidavit. Sa kaso sa imong amiga magdepende kini kon pilay ilang edad kay  kon between 18 to 21 years old pa ilang pangidaron then gikinahangpan gyud ang consent sa ilang mga ginikanan or else mamahimong ipa annul ang  ilang kaminyuon basi sa Article 45 (1) og Art. 47 (1) sa atong  Family Code. Apan kon 22 anyos na sila pataas di na sila magkinahanglsn og consent sa parents. Thank you and God bless. — Atty. Divine

Alang sa inyong pangutana, palihug lang sa pag email sa flores_ [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.