Double registration

Dear Atty. Divine,

Ang akong pag-umangkon nga  High School na, mikuha og birth certificate. Karon naproblema siya sa iyang birth certificate kay sayup man ang pangan. Lucy ang iyang gidala nga name sa iyang mga school records apan sa iyang birth certificate ang iyang pangan nga nakabutang Lucila. Ang akong igsuon misugyot nga irehistro nlang og usab sa Civil Registrar ang akong pag-umangkon ug ang gamiton niyang pangan sa bag-ong registration Lucy. Ang akong pangutana kun husto ba kining maong sugyot? Unsay maayong buhaton? Daghang salamat. --Lita

* * *

Dear Lita,

Ayaw gyud ninyo ipa-register og usab ang imong pag-umangkon kay mosamot hinuon ka dako ang iyang problema kay mahulog man kini nga double registration. Kun mag double registration ang usa ka tawo sa iyang birth certificate mo appear gyud kining duha ka birth certificate ini’g kuha niya og copy sa PSA. Kinahanglan pa nga modangop sa korte ang hintungdan aron ma cancel ang usa ka rehistro  kay kinahanglan usa ra gyuy  record sa Civil Registrar ang matag tawo. Busa ang maayo niyang buhaton, mao ang pagpa-correction sa iyang first name sa entry sa iyang birth certificate ngadto sa Local Civil Registrar diin siya marehistro. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.