Sukaranang teksto

IKANAPULOG-USA NGA ADLAW

GINGHARIAN NI KRISTO: Mapaubsanong Pangalagad

Basaha ang ang Juan 13;1-16

Pasiuna

1. Ang naandang pagsabot sa kalibotan mao nga ang agalon labaw sa iyang sulugoon.

2. Ang agalon anaa sa pinasidunggang dapit samtang anaa sa ubos nga hut-ong ang bisan kinsang sulugoon.

3. Ang agalon kanunay nga manugo samtang ang ulipon kanunay moalagad sa kabubut-on sa iyang agalon.

Pagpalawom

1. Malisod ang pagkab-ot sa kahiusahan kay nahimong balaod sa kalibutan ang pagpagpalabwanay. Nahimong walay luna ang mga huyang, ang mga gamhanan matud pa maoy modumala sa tanan. Apan alang ni Kristong Hari ang tinuod nga gahum nagasukad diha sa mapaubsanong pagpangalagad. Si Kristo nga Hari nihukas sa iyang sapaw aron mga tiil sa mga tinun-an iyang hugasan.

2. Ang anaa sa pinasidunggang lingkoranan ang makatagamtam gayud sa maanindot nga pagtagad sama sa tarong nga serbisyo, lamian nga pagkaon ug uban pang mga prebilihiyo. Apan lahi si Kristo Jesus siya nagkanayon: Bulahan silang mga Kabus kay ila ang Gingharian sa Langit.

3.  Ang tinuod nga hari dili masukod segun sa iyang tingog sa pagmando kondili sa iyang sanglitanan. Si Kisto nga Hari sa tanang kalibutan ang wala man moanhi aron alagaran kondili aron moalagad.

Pahinumdom:

Ang mga yawa garboso ra kaayo. Dako  nilang kalipay nga sila isipon nga mura og dios diha sa mga halad halad ug diwatahan ug padugo. Ang akto sa padugo usa man ka konsagrasyon sa usa ka lugar kun dapit alang sa mga demonyo. Ug malipay pag-ayo sila niini.

Pangamuyo

O JESUS

(honi ug letra ni:Msgr. Rudy Villanueva)

O Jesus nga Mahigugmaon

Gimahal mo ang Pagpaubos

Ug kami ang kamapahitas-on ingon man ang pagpanimalus

Ang kalinaw mo ihatag kanamo nga imong katawhan ug mamunga sila sa panaghiusa alang kanamong tanan!

Ayaw’g tagda ang kasal-anan, ang sayop nga among nahimo. Hinunoa, hinumdomi lamang. Ang ubos namong pagtuo….