Ang insidente didto sa Simala

Pagpamalandong sa Malangkubong kaayohan

Nikatap sa social media ang nahitabong pag-collapse sa pipila ka mga tawo nga anaa sulod mismo sa simbahanan sa Simala Shrine. Matud pa sa kadaghanan nga nasudlan sila sa dautang mga espiritu. Nagpasabot ba kini nga bisan sulod mismo sa mga simbahanan mahitabo ang mga sama niini? Mahimong mahitabo o dili depende sa kahimtang ug sirkumstansiya. Apan dunay mga posibleng pagpasabot. Tugoti ko nga akong hatagan og analysis ang maong insidente:

1. Una, mahimong gumikan sa kadaghan sa mga tawo niadtong panahona sila na-suffocate nga moresulta sa hyperventilation. Hinumdoman nato nga ang less supply of oxygen makahimong og mga delusional apparitions.

2. Ikaduha, possible pud nga gumikan sa pag-apas sa schedule sa maong kalihokan mamahimo silang nagutman, pun-an sa binitbit nga mga suliran mao nga sila nagtakod.

3. Ikatulo, ang tanan mopatighulog sa atong pagsabot sa debosyon. Kun ang debosyon sa Mahal nga Birhen nakapunting lamang sa “Imahen” ug dili sa gi-represent sa maong Imahen nga ang Mahal nga Birhen Maria gyud mismo. Posibleng mohimo og panglawgaw ang mga dautang mga Espiritu.

Atong hinumdoman nga ang Dios dili mopadayag sa iyang kaugalingon ni ang Mahal nga Birhen mopadayag sa iyang kaugalingon pinaagi sa paghilak ug uban pa. Mahinungdanon kaayo ang inner movements nga nagasukad sa inspirasyon ug dili sa apparitions ug locutions. Kay bisan gani ang mga dautang espiritu mahimong manglingla ginamit ang hulagway sa mga santos. Hinumdomi ang nahitabong insidente sa Lipa. Causa Finita ang giingon sa Vaticano kalabot niini.

4. Ikaupat, mahimong kadtong mga tawhana, nagbansay gyud sa mga occultic practices, mga patuo tuo, habak kay kasagaran kun matrigger kining maong mga binuhatan diha sa usa ka relihiyosong kalihukan mamahimong motakod takod kini. Gitawag kini og emotion contagion sa sikolohiya pa.

5. Basin dunay nakatambong nga mga walking possessed. Ang si bisan kinsang dunay third eye labina kun nakuha diha sa occult and divination procedures ang pagaisipong murag time bomb nga mobuto labina kun sila anaa na sa trance possessed state.

Apan, sa laing bahin, ang maong insidente tingali pagpahigmata alang sa kadaghanan kanato nga ang tinuod diay nga milagro wala diha sa paghilak ni Mama Mary o pag-ulan sa mga petals matag saulog niya sa iyang birthday kondili sa tinud-anay nga pagmahal kaniya pinaagi sa mas konkretong pagtimaan sa debosyon. Lakip na niini ang pagsangyaw sa iyang mensahe sa pagbag-o ug paghupay sa iyang putli uyamot nga kasingkasing ug sa Balaang kasingkasing ni Jesukristo.. Subo palandungon nga daghan nato ang nahilansang sa bisan unsang accidental apan nakalimot kita sa bisan unsang substantial.

Sa sinugdanan sa pagkatukod sa monasteryo anaa gyud ang ka solemne niini.  Unta alang kanila nga moadto nianang dapita ato kining sud-ongon dili lang usa ka tourist destination kondili solemneng dapit sa pagpamalandong ug pag-ampo. Hinumdoman nato nga ning kapanahonan nato karon mahinungdanon kaayo ang pagpakgang sa giingon pang Papa Francisco: “Spiritual Worldliness.” Si Maria tulay lamang ngadto kang Jesus. “Ad Jesum Per Mariam”. Alang nako mohimo man si Mama Mary ug Milagro o dili sa akong kinabuhi dili ko igsapayan. Ang pagpanalipod niya Kanako sa matag eksorsismo nga akong pagahimoon dako na kaayo og tabang ug wala nakoy laing gipangayo pa. napamatud-an kini sa dihang usa ka possessed nisinggit ngari nako panahon sa Eksorsismo: “Salig ka kuyog kuyog ka sa Birhen!” Tinuod ang iyang gisulti kay matag adlaw duna koy schedule matag gabii alang sa Barangay sa Birhen uban sa Mahal nga Birhen Maria sa Carmen! AVE MARIA! VIVA JESUS!