Hilabihan ka master ang mga tawo karon sa pag- research sa kinabuhi sa isig ka tawo ilabi na kadtong malambigit sa kontrobersiya bisan kadtong tinipigan sa kaban mamahimong kuykoyon sa marites nga mga imbistigador kay sa legit nga mga imbistigador.
Human sa Sugbo, ang kontrobersya na usab didto sa Mindanao ang gikumberahan sa mga tawo sa social media, gani ako mismo nahibulong nga dunay nag message mahitungod sa isyu didto apan niadtong niadtong higayona wala koy idea kay na-busy sa kaso sa Tocmo murder case.
Nakuryoso ko og samot nganong nadamay man ang baki sa isyu pastilan, dinhi niandar pud akong pagka marites maong nangukay ko sa social media sa background story ug didto nasayran nako nga uwahi na diay kaayo sa latest kay nakaabante na og submit ang ubang marites sa ilang thesis mahitungod sa isyu.
Gawas sa baki duna pay mas dagkong mga keywords sa research lakip ang pastor, sugar daddy, bag nga tag 24k, Camiguin ug uban pa. Kining tanan sa pagkakaron pulos ra gyud intawon mga huhungihong nga nag gikan sa marites university nga gilambigit sa kamatayon sa usa ka lalaki didto sa Cagayan de Oro City ug sa uyab niini nga maoy gipasanginlan nga maoy tinubdan sa tanan sa gidangatan sa tanan.
Duna man guy nigawas sa socmed nga convo matud pa sa babaye ug sa higala niini kalabot sa pag angkon sa babaye sa gibuhat niya ug sa pastor nga iyang SD. Gawas niini nakapangutana ang mga marites nganong sa mga post sa babaye sa social media wala man gyud kini mangayo og hustisya sa murder case sa iyang hinigugma.
Gipahimoan niini og standee ang lalaki, gipatahian og toga ug nagpahulagway niini, niadto sa menteryo ug kay nakakita man og baki iya pud giapil sa caption nga ang baki mao ang iyang uyab nga namatay, hay pastilan. Bitaw dili malikayan nga makapangutana ang mga marites nga pulos pa sweet with a smile man ang post niini nga murag for engagement ra sa iyang social media.
Kong namatay sa sakit ang lalaki dili mahatahgan og laing interpretasyon ang aksyon sa girl pero murder case man, unta magbutang siya og #Justice for.....dinhi naka analize na pud ang mga marites nga there is something fishy.
Bitaw kining tanan sa pagkakaron naglibot pa lang sa kalibotan sa mga marites ug unfair pud sa mga hingtungdan nga hukman sila tungod lang niini. Apan mamahimo usab kining maposlan sa mga legit investigator isip lead sa ilang pakisusi sa panghitabo.
Toxic na kong toxic ang mga marites sa social media apan makatabang baya pud usahay sama sa nahitabong kidnapping sa 8anyos nga bata sa Mandaue City, gawas sa CCTV, nakatabang usab ang mga "human cctv" sa pag-rescue sa bata ug pagdakop sa suspek.