Sa dihang ako nadakin-as

Paingon ko sa Bil-at aron mosab-ong og eskapularyo ngadto sa tagbalay nga duawon unta karong adlaw nga Sabado apan sanglit duna man ako appointment sa siyudad mao nga nakahukom na lang ko nga ako na lang sab-ongan daan aron lahus na lang sila sa naadang pagrosaryo ug pag MAKALIPANG. Naandan naman namo ning buluhaton dinhi sa among parokya.

Ninaug na unta ko sa motor aron mohimo na lang og personal nga paglakaw padulong sa balay. Kampante ko tungod kay maayo ra man ang akong sandal.

Apan nakatunob man diay ko pvc pipe mao nga nadakin-as gyud ko. Maayo na lang gani kay hinan-aw ko og sine busa dili kaayo tantong hugaw ang sapot kay nakatukod raman sab tawon.

Ang atong mapupo nga leksiyon niini mao nga:

1. Diha sa atong kinabuhi kinahanglang dili mokumpiyansa. Kay kun kita mokumpiyansa mamahimo kitang mabiktima sa madangog nga kalibutan.

2. Ang pagmatngon kinahanglanon.

3. Tan-aw gyud sa imong gilaktan aron sa ingon dili ka madagma

4. Kun asa ka madagma, adto usab barog.

5. Ayaw kaulaw nga ikaw nadagma kay bisan kinsa mamahimong mahitumpawak sa madangog nga kalibutan.

6. Padayon gihapon sa panaw.