Dear Atty. Divine,
Ang pamilya sa akong bana nagbaligya sa ilang property nga inherited sa ilang mga ginikanan.
Mi execute og Special Power of Attorney or SPA ang akong bana ug ang iyang mga igsuon aron usa lang ka igsuon nila ang morepresentar ug makig negotiate sa buyer.
Apan dili transparent ang igsuon sa akong bana. Wa sila sultii kun pila gyud ang final selling price. Nangayo sad sila og copy sa Deed of Sale apan gihatagan lang sila og xerox copy. Asa man mi makapangayo og certified true copy sa Deed of Absolute Sale? Daghang salamat. -- Nica
Dear Nica,
Kun notarized ang photocopy sa Deed of Absolute Sale nga gihatag sa imong bana then makita niya kun kinsa ang nagnotaryo ug mamahimong mangayo siya og certified true copy niini sa notary public. Mamahimo sab nga adto sila mangayo og certified true copy sa Deed of Absolute Sale sa office sa Clerk of Court sa lugar diin gipanotaryuhan ang dokumento kay ang mga notary public obligado man nga mo submit sa iyang mga notarized documents ngadto sa maong buhatan.
Ipakita lang ang photocopy sa dokumento aron naay kabasihan ang Clerk of Court sa maong dokumento nga inyong ipa certify. Thank you and God bless. -- Atty. Divine
Alang sa inyong pangutana palihug lang sa pag email sa flores_divina@yahoo.com ug akong tubagon ang inyong pangutana matag Miyerkules, Sabado ug Domingo.