Custody sa bata

Dear Atty. Divine,

Duna koy pangutana labot sa akong apo nga 5 anyos na. Ang akong anak  nga babaye adunay illegitimate child. Apan karon naminyo na siya ug buntis na. Tungod niini, gusto sa amahan sa akong apo nga kuhaon ang custody sa bata gikan sa akong anak.

Nagsuporta ang amahan sa bata sukad sa pagkatawo niini hangtud karon. Apan karon gusto nilang kuhaon ang bata kay nagtuo sila nga mas makahatag sila og maayong edukasyon sa bata kay arang arang man ang ilang kahimtang ug maayo og trabaho ang amahan.

Apan ang bata kay suod kaayo sa inahan so naglibog mi kun amo bang itugyan ang bata sa amahan or dili kay ang among gitan-aw ang kaugmaon man sab sa bata. Unsay angayan namo nga buhaton? Daghang Salamat.

Flora

* * *

Dear Flora,

Basi sa balaod, ang sole custody sa illegitimate child adto gyud sa iyang inahan. Apan mamahimo siyang mogamit sa apelyido sa amahan ug entitled sab siya og support gikan sa iyang biological father. Kun naminyo na og lain ang inahan sa bata wa kini magpasabot nga pwede na nga kuhaon sa amahan ang custody sa bata gawas lang kon boluntaryong mosugot niini ang inahan mismo.

Busa sa dili pa kamo modesisyon nga itugyan ang custody sa bata ngadto sa amahan, tan-awa ninyo daan kun unsay mamahimong epekto niini sa bata psychologically ug emotionally ilabi na kay suod ang bata sa inahan. Mamahimo man nga inyo unang pasabton ang amahan nga samtang gamay pa ang bata adto lang usa  kini sa iyang inahan apan matag weekend mamahimo nga adto siya sa iyang amahan.

Kun modako na ang bata ug nasuod na sab siya pag-ayo sa iyang papa then that’s the time nga inyo siyang itugyan sa amahan ang bata aron maoy mogasto sa iyang pagtungha og paghatag sa iyang mga panginahanglan. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected], ug akong tubagon ang inyong pangutana pinaagi sa akong column matag Miyerkules, Sabado ug Domingo.

amahimong epekto niini sa bata psychologically ug emotionally ilabi na kay suod ang bata sa inahan. Mamahimo man nga inyo unang pasabton ang amahan nga samtang gamay pa ang bata adto lang usa  kini sa iyang inahan apan matag weekend mamahimo nga adto siya sa iyang amahan.

Kun modako na ang bata ug nasuod na sab siya pag-ayo sa iyang papa then that’s the time nga inyo siyang itugyan sa amahan ang bata aron maoy mogasto sa iyang pagtungha og paghatag sa iyang mga panginahanglan. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected], ug akong tubagon ang inyong pangutana pinaagi sa akong column matag Miyerkules, Sabado ug Domingo.