Dili maka inherit ang kapuyo

Dear Atty. Divine,

Ang among inahan namatay na ug duna siya’y katipon apan wa silay anak. Sayo man gud namatay ang among amahan mao nga adunay gika live-in ang among inahan apan dili gyud sila kasal.

Ang akong mama adunay property nga na-inherit gikan sa iyang mga ginikanan. Nagkasabot mi sa akong mga igsuon nga among bahinon ang maong property ug i-process na ang pag-transfer niini. Ang akong pangutana kun maapil ba sa bahin ang katipon sa akong inahan nga di man sila kasal ug wa sab silay anak? Daghang Salamat.

Glenda

* * *

Dear Glenda,

Kun inherited ang property ug dili pinalit sa imong inahan ug sa iyang katipon then way katungod nga mangayo og bahin ang kapuyo sa imong mama nga namatay.

Kun aduna pay anak ang imong mama uban sa iyang kapuyo, ang ilang anak maoy mabahinan og half sa share ninyong mga igsuon apan kay wa man silay anak so ang tibuok share sa imong mama mapunta kaninyong mga anak nga nahibilin.

Mas maayo nga inyong pasabton ang iyang katipon labot niini nga wa siyay katungod sa maong property kay inherited man kini gikan sa ginikanan sa inyong inahan og gawas pa dili sab sila kasal sa imong mama busa wa gyud siyay katungod nga mo-inherit sa property sa imong inahan. Thank you and God bless.

Atty. Divine

* * *

Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.