Ang nahitabo kang Padre Winston Cabading

Personal kong nahimamat kining paria. Usa siya ka Dominikano ug sa laing bahin usa usab ka eksorsista. Usa siya sa mga nihatag og pakigpulong sa dihang gihimo ang 4th National Conference sa Ministry of Exorcism and Deliverance didto sa St. Bonaventure Hall sa University of Sto. Tomas.

Dunay nipasaka og kaso batok kaniya nga usa sa mga deboto sa Mary Mediatrix nga nipahimug-at sa ka balido sa Lipa Apparition niadtong tuig 1948. Ang kaso nagasukad sa Article 133 nga mahimong ma summarize nato ingon nga: “Offending Religious Feelings sa mga Marian Devotees nga nag debosyon sa Mary Mediatrix of All Graces. Ang nanghingusog niini mao man si Retired Justice Harriet Demetriou. Dugay na silang naglalis niini.

Ang Simbahang Katoliko ang nihimo na sa iyang pronouncements nga ang nahitabong apparition ngadto sa usa Carmelite nga Postulant nga si Teresita Castillo ang dili pagaisipon nga usa ka supernatural nga panghitabo. Wala kini pagdason sa Simbahan ug bisan unsa nga gitawag natong private revelation ang malisud man pagatuohan. Rome has spoken ug kini final na.

Subo palandungon nga nahimong haguka ang simbahan kalabut niini. Subo palandungon nga  mismo ang naa sa sulod sa simbahan ang nahimong nag-unay tungod kay dili maantigong motuman sa kamandoan sa magisterium. Ipamugos gyud ang gituohang Milagro. Sa maong pagpamugos atong nakita nga mas nipatigbabaw naman hinuon ang panatikong baruganan.

Tinuod daghang sayop ang simbahan apan wala kini magpasabot nga angayan na ang pud siyang pahilumon. Dili lang kini usa ka legal nga gubat, labaw sa tanan, usa kini ka espirituhanong gubat. Tinuod gyud nga ang yawa padayong naglihok ug kuyog niini ang tinguha niini nga manimalos. Padre Winston, akong mga pag-ampo alang kanimo!