Dear Atty. Divine,
Duna koy pangutana labot sa akong apelyido, illegitimate ko attorney pero ang akong gigamit nga apelyido mao gyud ang apelyido sa akong amahan.
Wa makasal ang akong parents kay minyo man kaniadto ang akong papa ug wa man ma annul ang iyang marriage. Gusto unta ko nga magpakasal karon, apan nabalaka ko sa akong apelyido kay basin magka problema ko. Ang akong pangutana, di ba ko maproblema sa ako unyang apelyido attorney kay langyaw akong bana ug iyang isunod pag-process akong papers after sa among wedding. Daghang salamat.
Claire
* * *
Dear Claire,
Ang atong balaod nagtugot sa mga illegitimate nga anak sa paggamit sa apelyido sa ilang amahan provided nga sila gi acknowledge niini. So dili ka angay nga mabalaka sa paggamit sa apelyido sa imong papa kay gi acknowledge man ka nga anak niini.
Mamahimo ra gyud ka nga magpakasal ug dili na mo matter kun unsay imong apelyido nga gigamit as long as mao kini ang imong gigamit sukad sa pagkabata og makapresentar ka og PSA copy sa imong Birth Certificate sa inyo unyang pag process sa imong papers para sa abroad.. Thank you and God Bless!
Atty. Divine
* * *
Alang sa inyong pangutana, palihug lang sa pag - email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.