Sa manimbahay pag-facemask lang gihapon

Gumikan lagi kay mikalma na man kuno si coronavirus, daghan na ang dili na mag-facemask. Apan, kami, sa among pamilya, mag-facemask lang gihapon, even before Archdiocese of Manila Vicar General Fr. Reginald Malicdem miawhag sa mga manimbahay pag-sul-ob gihapon og mask.

Sa taho nga nag-hinayhinay na’g saka ang numero sa COVID-19 cases, matud ni Malicdem “there are no plans, for now, to put additional safeguards against COVID-19 other than the use of face masks. We just continu e to encourage mass goers to wear their face masks”

Dugang niini, maoy pagtuo ni Malicdem nga ang mga report bahin sa pagsaka sa kaso sa coronavirus, dili kini maka-discourage sa mga Catholic faithful sa pagsimba ug pagtambong sa mga services o mga kalihokan sa simbahan.

Sa pagkakaron, wala pay plano ang Simbahan pagbutang og dugang mga safeguards batok sa COVID-19 gawas sa pagpasul-ob sa facemasks.

Ania kining report sa The Department of Health (DOH): “On April 19 an additional 382 COVID-19 cases, bringing the country’s total number of cases to 4,086,981. The active tally went down from 10,263 last April 18 to 8,252 the following day. The total number of recovery from the virus was at 4,012,286 while the death tally stood at 66,443.

So, atong masabot nga wala pa gayud mahingpit ang pagkawala ni coronavirus. So, alang nako, motuman lang ta sa awhag sa Simbahan nga inig simba nato, mag-facemask lang gihapon. Walay maalkanse kanato kon mao kini ang atong buhaton. 

By the way, sa niaging Domingo diay, sa among gisimbahan, mas daghan na ang nag-mask kay sa wala. Most probably, mao usab kini sa ubang mga simbahan.

* * *

Kining pagpa-rehistro sa SIM, dili baya ni komedya. Daghan pa kaayo ang wala magpakabana niini. Gibalikbalik ang mga pahimangno nga kon mapakyas kita pagpa-rehistro i-invalidate ang atong SIM, sa ato pa, dili na magamit.

Ug matud sa KMP kon Kilusang Magbubukid sa Pilipinas, “Millions of farmers, workers to lose SIM access if registration not extended.” Tiaw mo na, kini sa farmers sector lamang. Ang uban diay, pagkadghan unya nga mga SIM cards ang mapiangan ug mainutel. Busa, gihangyo nga ilugway ang April 26 nga deadline, aron kalikayan ang pagka-disenfranchised sa minilyon ka SIM cards sa tibuok kapupod-an.

Ang SMART Communications, ang TNT (most probably ang Globe) mipadayag sa ilang pag-uyon pag-extend sa registration, tapus makita nga 55.1% lamang sa minilyon nilang  subscribers ang nagparehistro.

Matud pa, ang maong gidaghanon wala makatunga sa total nilang subscriptions. Sa atong pagsulat niini, wala pa ma-extended, hinaut nga sa inyong pagbasa niini, nalugwayan na ang deadline. Unsaon nga kining atong kinaiya nga dili kita molihok dayon, samtang sayo pa, sa mga butang nga ipa-accomplish, magbuwat kita sa last-minute. Unya, kon dili maka-meet sa deadline, masuko dayon kita sa gobiyerno. Moingon dayon nga walay kasingkasing ang gobiyerno.  

“Lack of valid identification cards, connectivity issues and gadgets to use for the SIM registration,” mao kini ang pipila sa nakaingon ngano nga naglisud ang ubang SIM card holders pagpa-rehistro. Unconstitutional kuno kining mandatory registration sa SIM cards. Akong tan-aw, I don’t think so. Mao kana ang akong think, bisa’g dili, ko Attorney.