Unsaon pag-transfer sa kabilin?

Dear Atty. Divine,

Ang among inahan namatay og duna siya’y mga yuta nga gibilin. Wa pa namo malihok ang pag-transfer sa maong mga property ngadto sa among pangan isip mga heirs. Unsay una namong buhaton aron ma-process ang pag-transfer sa maong mga property nga kabilin sa among inahan? Daghang salamat.

* * *

Cita

Dear Cita,

Ang una ninyong buhaton karon mao ang pag execute of Extra-judicial Partition nga pirmahan sa tanang mga heirs og panotaryuhan. Human niini, inyong isubmit sa BIR diin mahimutang  ang property sa inyong inahan uban sa mga Certified True Copy sa Tax Declaration ug sa Title kun titulado, death certificate sa inyong inahan ug Certificate of Land Holdings alang sa pagpa-compute og Estate Tax sa BIR. Human sa pag-compute, inyong bayran ang Estate Tax sa bangko ug dayon inyong i-submit ang tanang dokumento sa BIR aron ma process na ang Certificate Authorizing Registration or CAR sa BIR. Kun ma-release na ang CAR inyong i-process ang pag-transfer sa Tax Declaration sa Assessor’s Office diin mahimutang ang property og human niini kon titulado ang property, inyong i-process ang pag-transfer sa Title ngadto sa inyong pangan sa Register of Deeds. Thank you and God Bless.

Atty. Divine

* * *

Alang sa inyong pangutana, ipadala lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.