Katekesis no. 113

Ako ang Sundalo ni Jesus Binasi sa: Jn. 5;31-47

Lipay kaayo ko nga makakita og mga bata labina gyud diha sa tunghaan, apan lagi kay bata man daghan sab ini nila ang mga siaw gyud kaayo panahon sa Misa. Nakapadasig kini kanako aron mamahimong mas mamugnaon sa pamasin nga makuha ang ilang atensiyon apan sa walay pagsupak sa balaod sa liturhiya. Salamat sa Ginoo nga wa pa gyud ko makalimot sa akong mga nakat-onang mga kanta kaniadtong bata pa ako. Usa sa mga kanta nga akong gitudlo sa mga bata nga haum usab sa ebanghelyo mao kini:

Ako ang kawal ni Jesus

Ako ang kawal ni Jesus lumalaban sa Mali

Hindi pahuhuli kahit ako’y kunin

Apakan ko sila, durugin ko sila

At kembotan ko pa!

Wag pipigilan mag pakailanman! (back to top)

Nagngisi ang mga kabataan hasta ang mga magtutudlo nila!

Apan sa laing bahin ang ebanghelyo nato nga naghisgot og pagsaksi. Ang atong Ginoo ang wala magkinahanglan og pagsaksi sa tawo.ang iyang mga buhat maoy bugtong mosaksi ug momatuod nga siya pinadala gayud sa Dios. Ang iyang binuhatan nagtug-an kun unsa siyang matanga ug diin gikan ang gahum nga iyang nahuptan.

Kun tinud-anay kitang mga sundalo ni Kristo ang atong mga buhat maoy sukaranan sa atong pag-ila ug paghigugma kaniya ingon nga atong personal nga Dios ug Ginoo….. kay matud pa ni San Juan Pablo Segundo: “Dili tanan ang gitawag aron magpakamatay alang sa ilang pagtuo (Martyrdom) hinunoa ang tanan gitawag aron puy-an ang atong pagtuo adlaw adlaw sa atong kinabuhi.