Ang Dalan sa Krus
Daghan sa mga tawo ang buot mosinati sa dalan sa krus sa bisan asang suok sa kalibotan apan ang dili makahimo gumikan sa kalayo sa Jerusalem niadtong Middle Ages. Mao nga si San Francisco de Asis ang nipasiugda niini.
Siya usab ang nagpasiugda sa gihimong Belen kun Nativity Scene. Tumong niini aron ang katawhan mas makaampo ug makapamalandong bisan pa man kun wala gyud sila sa Jerusalem. Adunay napulog-upat ka mga estasyon. Ang ubang bersiyon motapos niini sa pagkabanhaw sa Ginoo. Kabahin kini Kwaresma dili lang ingon nga kalihukan kondili kahigayonan usab sa pag-ampo.
Dili mawala ang krus sa atong kinabuhi, isip Kristohanon ang krus maoy marka nga dili mahimong mapapas. Mao nga kada adlaw kita manguros ug nahimong naanad na niini ingon nga mahinungdanon kabahin na gyud sa atong kinabuhi.
Ang kinabuhi diha sa pagtuo panaw man nga pagasubayon. Sa atong pagsubay niini, dunay mga higayon nga nahimo kitang nahisalaag gumikan sa atong kahadlok. Kahadlok sa atong kaugalingong anino, kahadlok sa atong responsibilidad, kahadlok sa silot gikan sa Dios.
Daghan nato ang buot mamahimong luwas sa bisan unsang palas-onon. Daghan nato ang nangita og shortcut. Apan dili tanang instant magdala og kaluwasan. Ang uban kanila magdala man og kalaglagan.
Ning panahon sa Kwaresma ang atong sublion ang atong pagpadayag sa atong dakong gugma sa Krus nga nismbolo sa atong kaluwasan. kadtong krus nga gilansangan sa atong Ginoo. Kadtong kahoy sa krus nga nibuntog sa karaang kaaway nga mao ang Yawa, amahan sa tanang bakak. Didto sa balabag sa krus nabuntog ang kamatayon. pinaagi sa kahoy sa krus ang atong Ginoo gilansang ug namatay aron lamang ng akita mabuhi.