Katekesis no. 95 Ang mga Mago
Pagpamalandong sa Malangkubong kaayohan
Alang kanato nisidlak ang usa ka bitoon, nagtultol kanato kun asa nato makaplagan si Jesus.
(Mother Aloysius of the Blessed Sacrament)
Gibutang sa Dios ang bitoon sa langit aron mogiya ug molamdag kanato. Ang mga maalamon gikan sa silangan ang nakakita sa maong bitoon.
Nigiya kini kanila hangtud nga natultolan nila ang dapit nga nahimutangan sa bata.
Butang nga nakapadasig kanila paghatag sa ilang mga gasa nga mao ang bulawan, insenso ug mira.
Ang mga Mago kun mga Maalamon nagtudlo kanato ning mosunod:
· Pagsud-ong sa giya ug kahayag nga gikan sa Dios. Ang Dios mao ang kahayag angayan lamang nga siya ang atong sundon.
· Kun nakaambit kita sa kahayag nga Diosnon angayan lamang nga ang uban madan-agan usab sa kahayag nga atong naambitan.
· Ang mga Mago niantos og hataas nga panaw tungod kay sayud sila sa bili sa ilang gipangita.
Unta kita mamahimong mas maantigong mosud-ong sa bili sa bisan unsang butang nga magdala kanato ngadto sa tinuod nga kahayag.
Nahinumdom nuon ko sa awit ni Coritha nga nagkanayon: “Tayo na sa Liwanag! Ang takot ay nasa isip lamang!”
Pangamuyo
Ipadala ang imong Espiritu Santo aron mohayag sa matag dalan nga among gisubay. Kun wala ikaw mamahimong gubot ang among panaw. Amen.
- Latest