Asin ug kahayag

Asin

Ang asin mahinungdanon kaayo alang sa mga katawhan niadtong unang panahon ug gani hangtud karon.

Niadtong unang panahon ang tinubdan sa asin labina diha sa kalibotan sa Bibliya mao man ang Dead Sea. Labina gyud ang dapit nga ginganlan og Jabel Usdum.

Ang asin gamiton ug ihalad kuyog sa laing mga hinalad nga mga butang (cf.  Lv. 2;13, Ezk. 43;24) sa laing bahin puno sa simbolismo ang asin diha sa balaang kasulatan. Naglangkob kini ning mosunod:

A. Nagsimbolo kini sa kasabotan ug panaghigala (cf. Num. 18;19, 2 Cron. 3;5)

B.   Butangi og asin ang imong gipanulti (cf. Col. 4:6) nga nagpasabot og sulti uban ang kaalam.

Sa laing bahin ang asin gamiton sa pagpreserbar sa pagkaon.

Ug ang atong mga katigulangan sayud man niini. Preservative ingon tang pulonga.

Kahayag

Ang desinyo kaniadto sa matag balay kinahanglang dunay usa ka dapit diin mahimong ibutang ang lampara nga maoy modan-ag kaniadto sa tanang dapit sa balay panahon sa gabii ug sa buntag.

Kasinatian

Ning mga panahoha karon daghan sa mga tawo ang nangita og mga buhing saksi dili lang sa pulong kondili usab sa buhat.

Mga asin nga naghatag og lasa sa katilingban ug kahayag nga maggiya kanila nga anaa sa kangitngit.

Lihok

Pangutan-a ang imong kaugalingon:

a.    Nahimo ba akong inspirasyon alang sa uban?

Pangamuyo

Ginoo anaa ako sa kangitngit kay ako huyang man. Apan bisan pa niana masaligon ako sa imong grasya nga bisan pa man sa akong kahuyang anaa man pud ang imong grasya nga motabang Kanako aron makasaksi ako kanimo. Ikaw nga buhi ug hari hangtud sa kahangturan. Amen.