Sto. Nino dela Swerte?
Nunot sa kasaulogan sa Fiesta Senyor ato pud mahimamat ang mga nagkadaiyang mga dagway sa imahen sa Batang Jesus. Kini naglangkob ning mosunod:
1. Sto. Nino de Palaboy
2. Sto. Nino dela Swerte
3. Sto. Nino dela Negocio
Ang dunay approval sa Simbahan kun pag-uyon labina gyud dinhi sa atoang dapit mao man ang Sto. Nino de Cebu.
Kadtong Sto. Nino nga dunay korona ug nagsul-ob og kapang pula, nagdala sa sitro ug naggunit sa kalibutan. Laina ana wala na tugoti. Ngano man?
Kini tungod kay ang nahisgutang mga matang sa Sto. Nino nahimong kasangkapan sa mga occultic nga balansayon kalakip na niini ang patuo tuo ug kamandoan usab sa mga mananambal.
Kasagaran ang mga Sto. Nino diin ang gisul-ob berde naa sa mga tindahan mao nga gitawag sila og Sto. Nino dela Swerte.
Ang Sto. Nino de palaboy mao kadtong Santo Nino nga imbis korona ang gisul-ob nagsul-ob og kawo unya nagdala og sungkod.
Matud pa nila mao kuno kini ang bata nga nagsuroy suroy sa Ormoc aron magpalimos samtang wala pa mahitabo ang dakong lunop.
Katungdanan gyud unta sa simbahan ang hustong pagtudlo sa iyang mga sakop kun unsay husto ug unsay tinuod labina gyud n ing maong balansayon sa pagtuo. Mosugot kita o sa dili matag Pilipino o Sugbuanon mamahimong mabiktima sa patuo tuo.
Pagtuo kini nga halayo sa usa ka rason o hustong lohika. Viva Pit Senyor!
- Latest
