I. Basaha: Exodo 20;14
a. Unsa man ang kamandoan sa Ikaunom nga Sugo?
Nagmando kini nga kinahanglang magpuyo kita diha sa kaputli diha sa atong binuhatan ug pagpanulti. Ang atong mga lawas templo sa Espiritu Santo busa angayan lamang nga ato kining ampingan aron dili mamahimong instrumento sa bisan unsang kalaw-ayan.
b. Unsa ang Gidili sa Ikaunom nga Sugo
Nagdili kini sa bisan unsang mahilas nga bulohaton, panaput ug hunahuna sa kaugalingon ug kuyog sa uban.
c. Ang mga Sala batok sa Ikaunom nga Sugo
1. Pakighilawas sa dili asawa o bana (fornication)
2. Pakighilawas sa wala pa ang kasal (pre-marital sex)
3. Pagduwa duwa sa kaugalingong kinatawo alang sa personal nga katagbawan (masturbation)
4. Pakighilawas sa mga hayop (bestiality)
5. Pakighilawas sa mga butang (fetish)
6. Pakighilawas sa patay (necrophilia)
7. Ang pakighilawas sa mga tawo nga managsamang babaye o lalaki.
8. pornograpiya
9. Ug uban pang matang sa kalaw-ayan.
d. Unsay angay buhaton?
1. Ang paglikay sa bisan unsang makadaut kanato.
2. Ang pag-ampo sa kanunay labina gyud sa Santos nga Rosaryo.
3. Pagsimba ug pagkalawat
Panapus
Ang tinuod nga gugma makapaabot. Ang tinuod nga gugma dili bastos o hakog ug maantigo kining morespeto. Ang lawas sa tawo dili instrumento alang sa personal nga katagbawan. Alang sa mga Minyo paghigugmaay kamo ingon nga si Kristo nahigugma kaninyo ug angayan lamang nga magpabilin kamo sa iyang gugma. Ang mga batan-on dili maayong magdali dali kay usahay diha sa pagdali dali mao kini ang hinungdan nga magdala kini og dugang kasakit ug kapakyasan. Matud pa True Love Waits.