Pabiling tarong si Bantag sa mga tarong

Normal rang himuong person of interest ang tawo nga gisigehag target-guba ang reputasiyon sa usa ka hard-hitting radio commentator nga gipatay sa wala pa mailhing mastermind. Sama sa nahitabo sa Percy Lapid’s murder case, diin ang gunman, Joel Escorial, boluntariyong misurender sa kapolisan ug mipahibalo sa publiko, nga ang gikasabot sa ilang grupo nga ipapatay si Percy, anaa ra sa sulod sa Bilibid.

Gumikan niining sobra ka abiyertong impormasiyon nga dili unta angay ipublikar kay wala pa sa hustong panahon, upat ka oras human sa pag-anunsiyo, namatay dayon sulod sa Bilibid ang pinirisong middleman nga gitumbok ni Escorial.

Ug sama kakusog sa kilat, pipila sa mga impluwensiyadong politiko, magpapatgayon ug dilawans, kinsa mga anti-Gen. Gerarld Q. Bantag, ang kadali rang nakapunting sa ilang panan- aw ngadto kang Bureau of Correction Chief Bantag.

Giklaro ni Justice Secretary Jesus Crispin Remulla, nga gisuspenso ug girelibohan sa puwesto si Bantag, dili tungod kay nahiapil sa 160 ka persons of interest sa Lapid’s murder case.

Kun dili, tungod kay command of responsibility ni Bantag ang kutob sa unsay mahitabong kinasikas sulod sa Bilibiid, Ilabi na kon may inmate mamatay.

Sa usa ka interview, gisaysay ni Bantag nga dakong bakak ang gipangyawyaw ni anhing Percy sa kahanginan, diin aduna kuno siyay mahalong mansiyon ug daghang sakyanan. Sanglit ang tinuod, nag-abang lang siyag desente'ng balay ug aduna ray usa ka Land cruiser car. Ang gipakitang hulagway sa mga sakyanang gipangparking duol sa ilaha, mga silingan ang tag-iya niadto ug ang uban isyu gikan sa gobiyerno.

Gipangutana si Bantag kon modawat ba’g bribe gikan sa mga drug lord? Iyang gitubag:

“Dili!” Gani, sa pagka-Chief pa lang niya sa Bucor, gibrayban na siyag P100M, pero iyang giitsa- puwera.

Unya, gisukna siya kon maayong citizen ang motunol, dawaton ba niya? Ug sa walay lipodlipod, mitando-Oo si Bantag. Mitug-an: ‘Dinhay buotang tawo mihatag niya kay nalipay- nagpasalamat sa mga dalaygong buhat nga iyang nahimo kanila.’ Ug matawag ba kinig ‘bribe’?

Pipila lamang kini sa mga eksena, nga momatuod unsa siya ka honest. Hinungdan, bisag bundakan pag mga bug-at isyu ang iyang katul-id aron mabawog, magpabilin gihapong tarong si Bantag sa panan-aw sa mga tarong.