Actually, bisa’g wala pa ang survey, nasayud kita sa dakung role sa private sector pagpalambo ug pag-recover sa ekonomiya sa atong nasud.
Tan-awa, kon wala pa ang private sector moapil sa PPP nga tulomanon sa kagamhanan, wala unta kitay tatytayan karon nga nagdugtong sa mainland Cebu ug Cordova sa Isla sa Mactan. Kadaghan na kami makaagi sa maong taytayan, medyo na-layo gikan sa imong tuyo didto sa Lapu-Lapu, apan hapsay kaayo ug walay problema sa traffic.
Inyong mamatikdan nga kasagaran sa mga dagkung proyekto, sama sa Build, Build, Build project ni Digong, nga padayunon ni BBM, dakung porsiyento niini, private sector initiative. Unsay resulta sa survey?
Sa gi-survey kon mga respondents - 46 percent strongly agreed, ug 41 percent somewhat agree. So, impression o sentimento kini sa lungsod. Nagpasabot nga alang sa katawhan, gikinahanglan ang panagtambayayong sa kagamhanan ug sa private sector.
Kay kon maghisgot kita’g private sector, nagtumbok kini sa mga dagkung patigayon, sa ato pa, anaa kanila ang kwarta. Dili mahimong pasagdan ang kagamhanan tungod kay tibuok nasud ug ang tanang katawhan, maoy ilang concern, busa nagkinahanglan og dakung financial support.
Ang involvement sa private sector pagpakabana sa kaakohan sa estado, makapagaan kini sa giabaga karon nga mga suliran sa atong gobiyerno.
Ug ania: “Some 69 percent of respondents identified creating jobs as one of three things that the private sector can contribute to that end.” Bitaw, hinaut nga mahimo kini sa mga dagkung kompaniya, taliwa sa nagpabiling hulga sa Covid virus, nga samtang mihinay na ang mga kaso niini, apan matud pa, wala pa gayud mahanaw sa hingpit gikan sa nasud.
Laing migula sa survey nga sentimento sa katawhan, mao ang pagpahaw-as sa katawhan gikan sa kawad-on, uplifting Filipinos out of poverty; pagpalapad sa mga kahigayonan sa panginabuhian o livelihood opportunities; ug pag-improve sa health care system sa nasud.
Basic kini nga conecern sa katawhan. Ug sa ato nang giingon, dili kini ma-solo pag-achieve sa atong kagamhanan. Gikinahanglan ang abag sa private sector.
Dugang concerns sa mga respondents: “Improving quality of access to digital services; managing natural resources and taking care of the environment (importante kaayo ni, hinaut ma-efficient na ang garbage collection); developing public infrastructure at; ug improving the quality of education.”
Ang founder ug CEO sa Stratbase Group, si Victor Andres Manhit, nagkanayon: “A sustained, committed partnership between the government and the private sector will be a game-changer in our recovery and realize inclusive prosperity for our people.”
Nanghinaut si Manhit nga ma-sustained kining gikinahangalan kaayo nga partnership tali sa kagamhanan ug sa private sector, ubos sa pamunoan ni BBM. Dugang niya: ‘The Marcos administration should aggressively pursue public-private collaboration, especially given how Filipinos value the potential of a partnership with the private sector.”
Niay laing nindot nga headline sa Philippine Star: “Travel magazine names Philippines 10th friendliest country” Nindot no?
“The country ranked 10th friendliest, according to the 2022 Readers’ Choice Awards by Conde Nast Traveller, which the magazine said was “proof that the famous Filipino hospitality is alive and kicking.” Ato ning padayunon sa sunod natong lindog.