Dear Atty. Divine,
Aduna koy problema labot sa boundary sa among gipuy-an. Ang ako man gud nga silingan nagpa-renovate sa iyang balay ug iya kining gipadak-an. Karon akong nasuta nga milapas na siya sa iyang boundary ug nakakuha na siya og pipila ka square meters sa akong luna. Ako na siyang gipahibawo kalabot niini apan wa man lang ko niya tagda. Gusto unta nako siya nga ireklamo sa barangay apan uyuan man sab niya ang kapitan sa among barangay. Ang akong pangutana, mamahimo ba nako siyang ikiha og dili nalang ko moagi pa sa barangay? Daghang salamat. —Efren
Dear Efren,
Tanang dispute o problema moagi gyud na sa barangay ilabi na kanang imong problema labot sa boundary. Kinahanglan gyud ka nga moagi og barangay conciliation una ka mopasaka og kaso ngadto sa korte basi sa Section 1 (j), Rule 16, 1997 Rules of Court) og sa Section 412 of Republic Act (RA) 7160, nga nagkanayon: “no complaint, petition, action or proceeding involving any matter within the authority of the lupon shall be filed or instituted directly in court or any other government office for adjudication, unless there has been a confrontation between the parties before the lupon chairman or the pangkat, and that no conciliation or settlement has been reached as certified by the lupon secretary or pangkat secretary as attested to by the lupon or pangkat chairman or unless the settlement has been repudiated by the parties thereto.” Buot ipasabot, nga modangop lang ka sa korte kon di gyud mo ma-areglo sa barangay. Ang maayo nimong buhaton karon mao ang pagtuman sa proseso, mopasaka ka og reklamo ngadto sa barangay bisan tuod kon paryente sa imong gireklamo ang kapitan. Kon di mo ma-areglo sa barangay then mangayo ka og Certification to file action aron adto na nimo iduso sa korte ang imong reklamo. Thank you and God Bless. — Atty. Divine
Alang sa inyong pangutana may kalabutan sa problemang legal, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.