Ang kasugoan Pinasikad sa Mt. 22;34-40

Ang kasugoan maoy magdala og han-ay sa matag kinabuhi, katilingban ug kalibotan sa kalambigitan.

Ang pinakadakong sugo nga angayan hatagan og igong pagtagad mao kining mosunod:

1.   Higugmaa ang Dios Labaw sa tanan diin ang Dios maoy himoong numero unong priyoridad sa atong kinabuhi. Kun wala siya wala kitay mahimo.

2.   Higugmaon ang atong isigkaingon sama sa atong kaugalingon. Hagit kini alang sa atong pangako sa paghatag og igong pagtagad sa mga tawo sa atong palibot.

Nagpasabot kini nga atong isipon nga usa ka dakong gasa nga kita makaalagad. Dili tanan ang nahatagan sa ingon. Busa angayan lamang nga isipon nato ang atong kaugalingon  nga bulahan kun sa paghigugma ug pag-alagad sa uban kita natahasan.

Ang kasugoan dili usa ka pinugos nga balaod hinunoa tawag o pagdapit nga nagkinahanglan og pagsanong nga pinasikad sa gugma.

 Ang pulong Obedience gikan sa linatin nga pulong Ob Audire nga nagpasabot og To hear kun ang pagpaminaw nga dili lang kutob sa dalunggan kon dili usab sa kasingkasing nga moresulta sa pagtuman niini pinaagi sa buhat.

Ang mahigugmaong kinabuhi makapabuhi kanila nga namatay sa paghigugma ug paglaum.

Ang gugma sama sa hustong kainiton sa kalayo nga naghatag og kinabuhi sa nagkaluyang panaw. Lisud ang panahon karon apan kun anaa lamang ang gugma, ang tanan mahimong possible… Love Conquers All!