Kinahanglan mamisita gyud

Mas pilion ni Heaven Peralejo nga mamisita gyud sa ilang balay ang lalaki nga mangulitawo niya, inay mag-uyab lang sa online nga maoy uso karon.

“I do believe that you can. Halfway ligaw sa online, get to know each other, pero if mag-de-date kayo outside kailangan may akyat bahay muna. Akyat ligaw muna. Kasi online is normal na sa generation so I do believe that you can find love online.

“I still prefer the traditional way. I’ve been raised like that so ever since na nagsimula ako makipag-date, lahat ng makikipag-date sa akin ay aakyat muna ng ligaw. Ang meaning kasi ng pag-aakyat ng ligaw, it’s not just gifts and ganun lang. It’s more of your family getting to know the person you’re dating. Ang pamilya ko kasi traditional so ang gusto nila nasa tamang kamay lang ako kung lalabas ako with a person na may gusto, yung ganun (laughs).”

Gipadayag kini ni Heaven gumikan kay sila maoy bida ni Markus Paterson sa MMK episode nga “Strangers Online” niadtong Sabado. Sa istorya, nagka inlabay ang ilang mga karakter online.

Gipadayag ni Heaven nga nakasuway siya niini nga set up niadtong pandemic.

“May times yes siguro nung pandemic. So I met this person once and then nagkaroon ng lockdown and of course wala na kaming magawa kundi mag-message-an lang. Pero nung bumalik na sa reality and everything, dun mo ma-ri-realize na pagdating ba sa reality is it still the same? Yung pagmamahalan niyo ba dun sa online world, kakayanin ba ng reality?”

Si Heaven, kasamtangang makita sa ABS-CBN Pinoy adaptation sa Korean series nga Flower of Evil nga gibituonan nila ni Lovi Poe ug Piolo Pascual./Gikan sa PUSH

Tan-awa unsay nag-hello

Gihagit ni Sean de Guzman ang mga motan-aw sa iyang umaabot nga pelikula nga The Influencer nga tan-awon gyud og maayo kun tinuod ba gyud nga private part o dili, ang nag-hello sa usa ka eksena diin nagduwa siya sa iyang kaugalingon. Sa VivaMax ang maong pelikula nga ubos sa direksyon ni direk Louie Ignacio, ug sa August 12, na magsugod ang streaming. Giklaro niya nga wala siya napugos lang sa maong eksena, kundili kinahanglan gyud matud pa sa istorya, ug nisalig sab siya sa director. “Hindi, kasi sa eksena talaga na yun, ahhh… yun, kinausap ako ni Direk. Na kailangan ko talagang gawin yung bagay na yun. So ako, as an actor, ahhh… minotivate ko yung sarili ko na kaya ko yun. Kaya kong gawin yung bagay na yun! Ha! Ha! Ha!”

The Who

Nikatawa na lamang si Elle Villanueva sa mga nangutana kinsa siya sanglit bida dayon siya sa una niyang teleserye sa GMA7 nga “Return To Paradise” kauban si Derrick Monasterio. “Nagtataka sila sino at saka, sino lang ba naman ako? I’m a newbie. Ayan, nagpapakilala pa lang ako. Sana talaga magustuhan ng mga tao and me as Eden, magustuhan nila ang pagganap ko sa role na ito.” Niya pa, naningkamot gyud siya nga dili madismaya ang GMA7 sa pagsalig nga gihatag ngadto niya, hinungdan nga kanunay gyud matud pa siyang nangandam niadtong lock in taping nila ni Derrick Monasterio sa usa ka isla pinaagi sa pagtuon daan sa iyang mga linya ug sa dili pagbutho sa set nga dili siya andam alang sa iyang mga eksena.

Gi-swerte si JC

 Arangkada karon ang career ni JC de Vera sanglit sunod-sunod ang iyang maanindot nga projects. Nag-number 1 sa Netlfix Philippines ang The Entitled nila ni Alex Gonzaga sulod sa pipila ka mga adlaw, diin niya pa nalingaw kaayo siya sa shooting gumikan sa ka komedyante gyud sa iyang leading lady nga dakong hagit niya  sanglit seryoso ug estrikto ang iyang karakter sa maong pelikula hinungdan nga mabalaw gyud siya og pugong nga dili makatawa og apil. Maanindot sab ang iyang role sa Flower of Evil diin adunay mga nangutana kun magka inlabay ba sila sa karakter ni Lovi Poe sa umaabot. Ug showing na sab ang ilang Cinemalaya movie ni Janine Gutierrez nga Bakit Di Mo Sabihin?, diin mga bungol nga magtiayon ang ilang mga karakter.

 Balay ni Jaya, nasunog

 Nasunog ang balay nila ni Jaya didto sa Washington, USA. Wala mahisgoti sa singer unsay hinungdan, apan basis a hulagway nga iyang gi-upload, wala na mahitsura ang ground floor niini. Gani, ang caption ni Jaya sa hulagway nagkanayon nga “burned to the ground” o naugdaw gyud. Mapasalamaton si Jaya nga bisan pa man sa nahtabo, luwas silang tanan. Si Jaya, tua na sa Amerika nanimuyo kauban ang iyang pamilya sanglit gilisdan sila sa ilang sitwasyon dinhi sa Pilipinas sa nilabay nga tuig taliwala sa pandemya.

Girl-to-Girl Kiss

Kun ang Scorpio Nights 3, ang labing wild nga pelikula ni Christine Bermas, ang iyang follow-up project nga Lampas Langit nga ubos sa direksyon ni Jeffrey Hidalgo ug sinuwat ni Raquel Villavicencio, maisip nga dako kaayong hagit niya. Kini kay aduna siya’y kissing scene sa usa ka babay nga mao ang newcomer nga si Chloe Jenna. “Sa totoo lang, first time ko talaga. Both of us, hindi kami prepared. Naging successful naman yung ginawa namin ni Chloe pero hindi naman ganoon ka-intense. Ano talaga kami sa isa’t isa, parang ilang, pero since nag-usap naman kami ni Chloe, ginawa na lang namin para ma-experience na rin namin,” niya pa. Sa VivaMax kini isalida diin ka eksena niya ang mga banggiitang sila si Baron Geisler ug Ricky Davao.

Gimingaw sa jowa

Viral ang video clip nga gi-upload ni Maris Racal diin nihangyo si Andrea Brillantes nga mogakos niya. Lenggua ni Andrea: "Pa-hug. Kasi nami-miss ko jowa ko eh.” Ang basketbolista nga si Ricci Rivero ang uyab ni Andrea.  Kasamtangang atua sa Amerika sila si Andrea ug Maris kauban ang daghan pang kapamilya stars alang sa Star Magic Beyond the Stars' tour.

Hawod mangadye

Daghang netizens ang nahimuot sa video clip nga gi-upload ni Pauleen Luna diin nagbasa og Amahan Namo ug Maghimaya Ka Maria, ang anak nila ni Vic Sotto nga si Talitha o Tali. Pagbutyag ni Pauleen, dream gyud matud pa sa iyang anak nga mamahimong “church reader” puhon.

Gi-share ang blessings

Nalipay ang netizens sa latest vlog ni Barbie Imperial diin ni-order siya og food delivery, ug iyang gisorpresa ang mga delivery rider, pinaagi sa pagpahibawo nga para ilaha ang iyang gi-order. Suma pa ni Barbie, daghan siya og grasya nga nadawat hinungdan nga nahunahunaan sa iyang team nga mopaambit sa iyang mga blessing ngadto sa mga rider sanglit todo trabaho gyud sila uwan ug init. May usa ka rider nga na-emosyonal kay first time niya makadawat og gasa nga ingon niadto.