Kahapsay ug ang kakabus

Dili pa lang dugay dunay nahitabong gubot didto sa may Freedom Park sa Carbon. Kini tungod kay gihimo man ang demolisyon sa mga stalls didto. Bisan gani ang Commission on Social Advocacies ang nisimpatiya man sa mga kabus nga mga magpapatigayon. Daghan ang nisimpatiya kanila. Sa laing bahin, dunay rason kun nganong ang lokal nga kagamhanan sa dakbayan sa Sugbo ang nangusog man gyud ning maong proyekto. Kasagaran mamahimong konektado kin isa gitinguhang kahapsay. Guot na pud ang maong dapit, ug ang ubang mga tindero o tindera nahimo naman nuong babag sa mga motorista. Normal kini nga talan-awon samtang anaa pa ang Freedom Park ug anaa pa ang mga magpapatigayong lokal.

Masig ka habig dunay bug-at nga rason kun baruganan kun nganong kinahanlan nilang magpabilin sa ilang tagsatagsa ka mga baruganan. Apan kun himoon ang soma total mas makaayo gyud unta kun sa hustong dapit kun nahimutangan sila ibutang. Kini tungod kay giapas man unta ang mas paspas nga serbisyo ngadto sa mga konsumidor. Apan ang maong lakang matud pa ang nakapahunong ug nakatugaw sa pagsaullog mismo sa Santos nga Misa nga gipahigayon agig pagsupoorta sa mga singgit sa mga kabus. Timailhan lamang kini nga bisan ang pagaisipong sagrado nga balansayon mahimo ra man diay nga tamayon.

Anaa gyud ning makanunayong tensiyon labina kun maghisgot kita og paglambo ug ang padayong suliran sa kakabus. Kun ang paglambo nga makapatunhay sa kinabuhi sa mga kabus ug dili lamang sa kinabuhi sa pipila. Apan ang problema mao kinsa man gyud ang mohukom nga ang tawo kabus? Ang hingtungdan ba o ang mga mata sa kadaghanan ning atong katilingban. Kun atong kaloy-on sila sa kanunay ang pangutana mao: “Gikaloy-an ba nila ang ilang kaugalingon?” ang nakadaut mao nga hangtud karon padayon gihapong gi-romanticize ang kabus nga kahimtang ug kun kita makahimo og ginagmay bisan emergency nga hinabang alang kanila atom ang gisud-ong ang atong kaugalingon ingon nga mga bayan inga nagpakabana sa ilang kahimtang. Apan sa kaulahian padayong molihok ang mga tunob aron mohimo og mga llihok protesta batok ni bisan kinsang tawo nga giisip nga dimalas ug tunglo alang sa tawhanong katungod.

Samtang nangugat ang ubang katawhan nga manggihunahunaon aron pagpanalipod sa mga mahuyang, apan kining maong mga mahuyang ang padayong nagpadayon sa pagwaldas sa mga kahigayonan aron sila mamahimong lig-on.