Brown scapular sa mahal nga birhen sa Carmen

Pangilin karon sa Mahal nga Birhen Maria sa Carmen. Mao nga atong himoon kining hamubong pagpadayag sa kahulogan sa Brown Scapular nga tingali kadaghanan kanato ang nasab-ongan apan wala lang kita masayud sa lintunganay niini diha sa atong kinabuhing Kristohanon.

Matud pa sa sulugilanon ang Mahal nga Birhen Maria nipakita sa usa ka Carmelite nga ginganlag Simon Stock.

Ug gikan niadto hangtud karon padayon kining gihimo nga matag pangilin sa Manhal nga Senyora himoon usab ang pagsab-ong ning maong sacramental ug ang pagkonsagrar sa mga tawo nga hingtungdan. Sacramental kini nga dunay pagtugot sa Simbahan.

Timailhan kini sa atong dakong tinguha ug panaad nga atong sundon si Jesus atong Ginoo pinaagi kang Maria. Ning paagiha nahimo kitang mga anak sa Dios.

Ang Mahal nga Birhen Maria nagtudlo kanato nga:

1. Kinahanglang mamahimo kitang abli alang sa Dios labina gyud sa mga mahinungdanong hitabo sa atong kinabuhi.

2.   Mahinungdanon ug kinahanglanon ang pagpaminaw sa Pulong sa Dios diha sa Balaang Kasulatan ug labaw sa tanan ang paghubad ngadto sa buhat sa mensahe niini.

3.   Ang makanunayong pag-ampo aron pagsinati sa presensiya sa Dios bisan asa, bisan diin.

4. Ang pakiglambigit sa mga tawo ug mamahimong manggilabuton sa ilang panginahanglan.

5.   Ang pagkahimong kabahin sa dakong banay sa Carmelo diin anaa ang kahiusahan sa pag-ampo, ug  kahiusahan sa usag usa. Sulod sa walo ka mga siglo nahimong nabuhi ug nikaylap kining maong debosyon.

6.   Nagpahinumdom kini kanato sa mga Santos nga Carmelo nga nahimong sukaranan sa atong mas suod nga relasyon sa Dios.

7.   Pagpadayag kin isa atong pagtuo nga puhon sa panahong gimbut-an sa Dios kita makig-uban kaniya.

Kausa ra gyud isab-ong ang Eskapularyo ni bisan kinsang par inga gitahasan ang gikonsagrar mao man ang nagsul-ob.

Ang eskapularyo simbolo sa atong konsagrasyon ngadto sa Mahal nga Birhen Maria sa Carmen. Viva la Virgen! Viva!