Sala

Kining maong topic maoy gisangon nako sa among mga katekista sa distrito sa ilang gihimong ongoing formation seminar.

Apan sa dili pa nato hisgotan in details kining maong topic, atong tukion una ang kinaiya sa tawo.

Ang tawo matud pa rational being nga sa ato pa, thinking being. Ang iyang paghunahuna maoy nakaphimo niya nga lahi sa ubang linalang kini tungod kay siya makapili man.

Anaa kaniya ang kahibalo kagawasan ug kabubot-on. Ang sala dili man aksidente kondili seryoso.

Ang sala mahimong dunay epekto sa kaugalinhon ug katilingban. Ang kanhi integrated nga kalibotan mamahimong disintegrated.

Ang tawo nalayo sa Dios ug sa iyang isig ka ingon. Ning paagiha malisod ang pagpuyo kun ang sala naghasol kanato. Wala tay kalinaw. Mao nga maayo gayud ang mopasaylo.

Ang pagpasaylo matud pa tambal. Buhaton nato ni para sa atong kaugalingon. Ang kalinaw  di kabayran og sapi.

Adunay tulo ka matang sa pasaylo. Gilangkoban kini ning mosunod:

A. Intelektwal diin sugo sa praktikalidad kita mopasaylo. Apan wala kini magpasabot nga atong gibati ang maong panginahanglan.

B. Emosyonal nga pagpasaylo diin gibati gyud nato ang maong panginahanglan.

C. Espirituwal nga pagpasaylo diin bisan sa kasakit nga atong nahiagoman ato gihapon silang giampo.

Nagkinahanglan kini og grasya ug ang maong grasya motabang nato aron dili kita maulipon sa Sala. Amen