Ora et Labora

Kini mao ang motto sa mga Benedictines. Pag-ampo ug Pagtrabaho ug kabahin kini sa ilang inadlaw nga pagkinabuhi.

Alang nako ang Rule ni St. Benedict mao man ang pinakabalanse nga rule kun maghisgot kita og monastic life.

Kining maong rule mahimong applicable ning mga panahona karon. Kini tungod ning mosunod:

1. Ning panahona karon daghan sa mga tawo ang dili buot maghago. Buot lamang nga modawat og limpiyo. Mao nga dili buot motrabaho.

2. Ang pag-ampo karong mga panahona nahimong daw mekanikal lamang. Daghang batbat apan halayo sa pamalandong.

3. Karong mga panahona nahimong idlas ang kahilom kay diha man gud sa kahilom daghang mga tawo ang nahimong allergy niini. Mao nga mangita gyud og diversion.

Humana naman unta ang piniliay apan daghan gihapon ang nagbaton og tumang kalagot ug pagdumot. Kini tungod kay tingali kuwang ang maampoong pamalandong mao nga ang resulta sa trabaho, walay ayo. Kini ang hinungdan kun nganong sa pagsugod pa lang sa adlaw mahinungdanon ang pag-ampo.

Dugang pa niini atong himoon ang pagtrabaho ingon nga matang sa pag-ampo aron sa ingon atong mahatag ang atong best sa tanan natong pagahimoon.

Stat Crux Dum Volvitur Orbis. The Cross is steady while the world is turning.

Unta ang Krus ingon nga sentro sa kinabuhing Kristohanon magdala ug magdasig natong tanan sa paghimo og  bisan unsa nga makapahimuot sa Ginoo.