(Pinasikad sa Ecclesiastes 3;1ff)
Ning kalibotan nga nagdali daghanan kanato ang wala makaalinggat sa bili sa atong panahon kun takna. Limitado kini ug ang nakadaut mao nga anha ra kita makakita sa bili niini kun anaa na kita sa baba sa atong tagsa tagsaka mga kamatayon.
Unsay angayan natong mabuhat alang niini? Tugoti ko nga akong iladlad kining mosunod:
1. Ang pag-angkon nga dunay limitasyon ang tanan.
2. Kay may limitasyon man, nan, mahimong ma maximize ang matag gutlo sa paghimo og maayo ug makaayo alang sa katilingban.
3. Dili maayong mag-usik ang mga walay hinungdang binuhatan dili man angayang padayonon ug ang si bisan kinsa nga maghatag og kadaut kinahanglang pahunongon usab.
Ang matag usa nga niangkon nga bililhon ang takna kinahanglang mohimo ning mosunod:
1. Paggahin og panahon sa kaugalingon agig pagpangga niini.
2. Paggahin og panahon sa uban agi’g pagpakita sa bili sa ubang mga tawo.
3. Paggahin og panahon sa Dios agig pagpakita nga mahal nato ang Dios ug nagkinahanglan man kita kaniya kay halayo kaniya wala man kitay mahimo.