Kini ang English nga hubad sa pulong abo. Kini tungod kay dili pa lang dugay liturgically, gisugdan na nato ang balansayon sa kwaresma pinaagi sa pagsaulog sa Miyerkules sa Badlis kun Ash Wednesday.
Ning panahona bisan pa man kun taliabot ang init nga piniliay magpabilin unta kitang magiyahan sa kamatuoran ingon man sqa gugma ug kadait.
Tugoti ko sama sa naandan nga himoon natong usa ka acronym.
A — as in Availability diha sa pagdawat nato sa grasya sa Dios nga maoy mousab kanato for the better. Ang ebanghelyo ni Juan kapitolo 15 bersikulo 5 nagkanayon man: “ Halayo kanako wala kamoy mahimo!” ang pakigbatok sa sala dili lang kinaugalingong lihok sa hingtungdan grasya ang kinahanglan niini.
S— as in Sincerity kun ang pagkamatinud-anon diha sa atong pag-angkon sa atong pagkamasalaypon. Ang pagkamakasasala sa tawo dili man gyud kalikayan apan ang tinuod nga kapasayloan makab-ot kun kita abli ug tagana nga mokumpisal niini. Ug matinud-anon usab sa paghimo og mga lakang aron pag-ayo sa bisan unsang naguba niini.
H — as in Humility kun ang pagpaubos. Ang pulong Humility gikan man sa linatin nga pulong humus nga nagpasabot og lapok kun yuta. Dili man gud nato masinati ang kapasayloan kun wala ang mapaubsanong pagpangayo og pasaylo sa ma kalapasan nga nagimo nato kalabot niini.
Sugod na usab ang laing kwarento ka adlaw. Ang numero kwarenta symbolic kaayo diha sa Balaang Kasulatan. Simbolo man kini sa paghinlo ug paghingpit.
Unta ning atong pagsaulog sa Kwaresma magdasig usab kanato sa paghingpit usab sa atong kaugalingon. Hinaut pa unta.