In Vita Communis

Matud pa sa linatin nga panultihon: “Ad Maximam Penitentiam in Vita Comunis.” The greatest penance is community life.

Ngano man kaha? Kini tungod kay ang matag katilingban gilangkoban man og nagkalainlaing matang sa tawo. Mga tawo nga naghupot og nagkadaiyang matang sa taras kun batasan.

Ning paagiha nahimong daw malisod ang malinawong panagpuyo labina kun sa maong nahimong daw malisod ang malinawong panagpuyo labina kun sa maong kalambigitan nahimong daw idlas ang panagsabtanay labina kun walay mopaubos ug mopadayag sa ilang gusto ug tinguha.

Ang tanan malisod gayud. Mao nga mahinungdanon kaayo pagsabot ug pagpailob.

Human sa bagyong Odette ug ang padayong tinguha sa pagpadayag sa kausaban sa katilingbanong kutay, ang tanan mamahimong malibog kun unsaon gyud pagkab-ot niini nga matag usa duna may kaugalingong pagsabot kun unsa ang kalambuan.

Ug kay mao man kini ang iyang pagtuo kalabot sa kalamboan.

Tinuod ang namatikdan nga daghan ang buot motabang apan sa maong kadasig nahanaw ang coordination mao nga ang resulta katag. Nag-iyahay kita og paningkamot.

Sa laing bahin, ang panultihon nga “Ad Maximam Penitentian in Vita Comunis” nipahigmata kanato sa kamatuoran nga kitang tanan dunay tagsa tagsa ka mga hiyas nga angayan natong palipangon alang sa kaayohang katilingban.

Mao kini ang kahulogan labina kun maghisgot kita og karisma.

Ang atong simbahan charismatic gyud kay nagpakabuhi man siya subay sa karisma sa matag usa nga atong naambitan sa panahon nga kita gibunyagan.

Daghan man tuod og pagsulay ang katilingbanong kinabuhi apan wala kini magpasabot nga mga laraw nga makaayo dili nato makab-ot.