Just don’t feel being discriminated

Sa usa sa labing uwahi nga survey nga gihimo, nakita nga nagka-diyutay o mikunhod na ang gidaghanon sa mga tawo nga nagdumili gihapon pagpa-bakuna. Very good, at last, nakaamgo na sila sa pagka-kinahanglanon sa mga vaccines, ug mikunhod na usab tingali ang mituo nga ma-zombie sila kon magpabakuna. Diin kaha sila makakuha niining maong information no?

Anyway, sa among pag-booster shots uban sa mga sakop sa banay (sa SM seaside), gikan sa buntag, nahaponan gyud kami una mabakunahi, kini tungod sa kadaghan sa mga tawo, nga gusto nang magpabakuna. Na-impressed kaayo kong nagtan-aw sa mga batan-on ang nag-linya, nga ang uban kanila sayo sa buntag, taas nang daan ang linya.

Apan, despite sa kadaghan na sa buot magpabakuna, ubay-ubay pa gihapon ang mga gahi og ulo, ug medyo layo pa nga atong ma-achieve ang population immunity. Anyway, ila kining katungod. Lagmit aduna silay kaugalingon nga paagi o tambal batok sa virus.

Tungod kay ila man kahang Constitutional rights ang pagdumili pag-bakuna, wala sila pugsa pagpabakuna. Gipasagdan lang sila, wala dakpa.

Apan, to protect themselves and others, especially the members of their families, adunay mga restrictions, sama sa pagdili pagpasulod sa mga malls niadtong wala magpabakuna.

Gihimo kini, to protect themselves nga matakdan, o makapanakod sa uban, kon sila ang virus carrier nga wala lang sila masayud tungod kay mild symptoms ra ang ilang gibati.

To me, this is not discrimation, but protection to those who refused to be vaccinated. So, don’t feel you’re being disicriminated, kon dili ka pasudlon sa mga mall.

Kadtong midumili pagpabakuna hangtod karon, kay wala man sila mo-believe sa mga vaccines, lagmit, aduna silay kaugalingong mga panalipod batok sa COVID-19.

Sa South Africa, ambot pila lang kaha ka tawo ang unang natakdan sa Omicron. Apan, unsay nahitabo, dali kining mikuyanap sa tibuok kalibotan, lakip na dinhi sa atong atong nasud.

Karon, ang attention sa tibuok kalibutan, ilabi na sa World Health Organization (WHO) ug ubang mga health authorities sa kalibutan, atua na sa South Africa. Ilang gipanghingusgan ang pagpabakuna.

Sa Australia, diin nagpadayon karon Australian Open Tennis (usa ka world sports event), wala nila paapila ang world champion sa tennis, ug gi-deport pauli sa ila (ambot taga-diin to siya) tungod kay wala magpabakuna.

Sa ato pa, wala siya pugsa nga magpabakuna, kay iya man kining katungod, apan, gi-deport lang, most probably to protect himself from being infected while in the country, or tingali unya kon siya ang makapanakod. Was he being discriminated? Or did he feel being discriminated? Siya ra ang makatubag niini.

Alang sa taga-human rights commission, he was being discriminated. Apan, akong tan-aw, ang Australia igo lang silang nanalipod sa ilang kaugalingon ug sa health safety sa Tennis champ samtang atua pa sa Australia.

Sa imo unyang pagpabakuna, (ayaw na lang paghunahuna nga you’re being discriminated), daghan ang imong matabangan: Ang ubang sakop sa household, ang mga silingan, ang kahigalaan, ug mga kauban sa buhatan o sa opisina.

Apan, ang dili nimo pagpabakuna, daghan ang maangin ug maamong kon simbako, matakdan ka. Ngano man gyud nga dili man ka magpabakuna?