Dear Atty. Divine,
Ang akong auntie nga naminyo og American so nahimo na sad nga American citizen.
Karon gusto unta siya nga mag dual citizen kay naa man siya karon sa Pilipinas. Unsay una niyang buhaton ug unsay requirements ug asa kini niya i-file? Daghang salamat.
Melisa
* * *
Dear Melisa,
Yes, pwede mo file ang imong auntie og petition for re-acquisition of Philippine citizenship. Adto kini niya i-file sa Bureau of Immigration office.
Usa sa mga requirements niini mao ang iyang Birth certificate from PSA to prove sa iyang pagka Pilipino ug iyang Philippine passport. Gawas niini naa pay laing documentary requirements ang immigration so mas maayo nga moadto siya sa ilang opisina ug mangayo sa list of requirements. Once ma-comply niya tanan, iyang i-submit ngadto sa Bureau of Immigration.
Kun ma approve, dual citizen na siya so anytime moari siya sa Pilipinas di na siya magkinahanglan og visa. Thank you and God bless.
Atty. Divine
* * *
Alang sa inyong pangutana palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.