Buta man tuod sa imong panan-aw

Ang buta nga nagpakilimos daplin sa dalan namasin nga dunay maluoy sa iyang kahimtang niadtong mga panahona.

Nakahatag kaniya og igong pagtagad sa dihang may bagang panon sa katawhan nga nilabay.

Mao nga nakapangutana siya: Naunsa man ron? Dunay nitubag nga: “Si Jesus nga taga Nazaret nilalbay!” butang nga nakapadasig kaniya sa pagsinggit: “Jesus Kaliwat ni David!

Kaloy-I Intawon Ako!” bisan gibadlong siya sa makadaghan apan padayon siyang nisinggit. Ug tuod man ang maong singgit nakahatag og igong pagtagad ug ang maong pagpatagad nakadala kaniya og kaayohan. Nakakita siya og balik.

Nahimong hayag ang dulom niyang kalibutan. Kini tungod kay ang Mesiyas wala man magpakabuta sa iyang panginahanglan niadtong mga panahona. Ang buta nahimong nakakita.

Ning atong kapanahonan karon duha ka matang ang pagkabuta. Ang pisikal ug ang espirituhanong pagkabuta.

Ang pisikal nga pagkabuta mahimong nakuha sa mga higayon nga ang tawo nasakit, inborn o dili ba kaha sa aksidente.

Apan wala kini magpasabot nga nahimong spiritually blind pud ang maong tawo. Sa laing bahin dunay mga tawo nga husto tuod ang panan-aw apan pabilin silang buta sa ilang kinabuhing espirituhanon.

Nahimo silang nabutaan tingali sa ilang kahibalo ug sa ilang naabot nagtuo sila nga sila na ang Dios. Kining maong mga tawo arogante kaayo. Arogante nga tungod niini ang tanan alang nila dili na magical ug dili na spiritual.

Kay ang espirituhanong bahin sa ilang kinabuhi ila mang giwala. Kuyog niini ang pabiling pagkasilaw sa ilang kaugalingon katakus.

Mao nga nahimo silang buta sa pagpakabana sa panginahanglan sa uban. unta ang buta sa ebanghelyo nga nangita sa kahayag magdasig unta kanatong tanan sa pagpangita usab sa ingon.