Verbal abuse usa ka kalapasan sa R.A. 9262

Dear Atty. Divine,

Ang akong sister naay live-in partner ug naa silay usa ka anak. Ang iyang kapuyo mogawas ang dili maayo nga batasan kun mahubog. One time, mibisita ko sa ila, nahubog iyang  live-in partner kay at that time birthday sa iyang anak ug ako mismo naka witness how he verbally abused my sister, dili siya manapat but ang iyang sulti grabe kaayo ka sakit ug maghilak gyud ako sister kay bisan og naay mga bisita dili gyud siya morespeto. Ang akong pangutana unsay maayong buhaton sa akong sister aron mahunong na kining verbal abuse nga binuhatan sa iyang live-in partner? Daghang salamat.

Jessica

* * *

Dear Jessica,

Ang verbal abuse usa na kana ka matang sa abuso nga punishable ubos sa atong balaod. Basi sa Sections 3  and 5 sa Republic  Act 9262 kon Anti Violence Against Women and Their Children of 2004 , ang psychological abuse nga makahatag og  mental or emotional suffering  sa biktima nga naglakip sa  public ridicule or humiliation and repeated verbal abuse usa ka kalapasan sa maong balaod. Busa pwede gyud imong igsuon nga mopasaka og reklamo batok sa iyang live-in partner. Ang una niyang buhaton mao ang pagpa blotter sa police every time mohimo og verbal abuse ang iyang live in partner. Human niini, mopasaka siya og reklamo sa barangay aron mahunong na kining pagpangabuso ngadto kaniya. Kun di gihapon mohunong then mopasaka na gyud siya og kasong criminal nga kalapasan sa RA 9262. Thank you and God bless. — Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.