Kini ang kasagarang pahimangno sa akong pais nga si Padre Jonald kinsa kasamtangang Padre Kura karon sa Imaculada Concepcion sa Oslob. Ning paagiha applicable kining maong pahimangno labi na gyud ning higayon sa pandemiya.
Amping ug ampo. Ang pag-amping nagpasabot man sa usa ka malangkubon nagpasabot kini nga diha sa pag-amping atong himoon kining mosunod:
1. Pagsunod sa mga existing protocols nga gilatid sa kagamhanan alang sa atong kaayohan.
2. Pag-amping sa kaugalingong panlawas aron sa ingon mamahimong lig-on ang kaugalingon ug dili maoy hinungdan sa dakong takod alang sa uban.
3. Pag-amping sa uban labi na kun moduol kita sa mga tawo nga giisip natong vulnerable sa mga sakit.
4. Pag-amping sa palibot pinaagi sa makanunayong paglimpiyo, pag-disinfect aron sa ingon paglikay sa dakong posibilidad sa pagkuyanap sa virus.
5. Pag-amping diha sa pag-prioritze sa mga lakaw aron dili kita mamahimong pagkuyanap sa virus pinaagi sa walay hinungdang lakaw-lakaw.
Pag-ampo
1. Nga unta ang kaugaingon maluwas sa bisan unsang kadaut.
2. Pag-ampo nga unta ang grasya mamahimong molihok diha sa atong dakong tinguha nga mahuman na gyud unta kining maong pandemiya.
3. Pag-ampo nga unta ang mga hingtungdang mga lideres magtarong ug magmatinud-anon pagtuman sa ilang mga kaakuhan.
4. Pag-ampo nga unta mas motambayayong ang matag usa kanato diha sa pagsumpo ning maong kahimtang.
5. Pag-ampo nga unta dili kita mawad-an sa paglaum ning nagkadulom nga kinabuhi sa kawalay kapaingnan.
Tinuod gamhanan ang pag-ampo apan sa laing bahin mas maayo nga dunay himoon ang matag usa. Kay matud pa: "Lihok tawo kay tabangan ko ikaw!"