Keep distance amigo

Mao kini ang akong nakita sa dihang nagsakay ako sa front seat nga bahin de pasaheroan nga akong gisakyan. Gisundan namo ang usa ka trak de karga.

Maayo gani kay nituman man ang driver sa akong gisakyan. Dunay distansiya ang among gisakyan, nikalit og brake ang maong sakyanan sa unahan.

Hinuon wala mi mabangga kay naka brake man pud ang driver.   Gamit gyud diay kaayo ang pahinumdom: “Keep Distance Amigo!”

Daghang kagamitan ang paghimo og distancing. Labina gyud ning panahon sa pandemiya karon. Kini nagpasabot nga:

1. Ang distancing nakatabang man aron mamahimong mas luwas ang kadaghanan kanato sa pag spread out sa coronavirus. Hinuon dili sa tanang higayon. Kay ang starvation of touch bati man og epekto labina kun maghisgot kita og emosyonal nga panginahanglan.

2. Ang distancing makatabang labina kun magpalayo ka gikan sa mga tawong toxic.

Kay ang mga tawong toxic magdala man og kahasol sa atong kinabuhi. Gawas pa niana, mahimong sila ang hinungdan kun nganong mas mahimong mubo pa ang atong kinabuhi. Angayan lamang nga magpalayo.

3. Ang distancing makatabang aron mas magahinan nato og panahon ang atong kaugalingong panginahanglan.

Usahay ang pagpunay og paduol sa kinabag-an maoy makapahimo natong mahisalaag ug mahilayo sa atong kaugalingong luna kun space.

Ang pagdistansiya makatabang aron kita makapahuway.

4. Ang pagdistansiya makatabang usab aron kita makapamalandong sa atong padulngan.

Nga sa mas tino nga paagi atong Makita ang atong kaugalingon nga hawa sa bias sa uban.

Makatabang ang magpalayo. Mogawas lamang kita kun kinahanglanon ug sugo sa panahon. Keep Distance Amigo!