Dear Atty. Divine,
Nakapalit mi og tulo ka luna og ikatulo na mi nga buyer. Ang first og second buyer wa maka-transfer sa ilang pangan sa titulo sa maong yuta. Ang unang nipalit si Nuyad og unya gibaliya niya ang yuta 14 years ago ngadto ni Tating. Pero ang usa ka luna nga gibaligya timberland diay og wala sila kahibawo kay wala man niya gi-transfer sa iyang ngalan ang titolo. Karon si Tating mibaligya na sad sa maong yuta ngadto namo. Kay wala pa man ma-transfer, among gipapirma ang anak ni Nuyad bale siya gihapon ang seller kay patay na man ang original nga seller. Unya karon kay naa may saup sigehan mi ug sukot kay pabayran ang mga lubi nga gitanom, kini nga saup sauna pa ni sila nga saup sa first buyer pa nga si Nuyad wala sila kabalo nga nabaligya na. Akong pangutana kami ba ang dapat mobayad nila sa ilang gipangtanom? Hinaut nga nasabtan nimo akong email. Salamat attorney sa mga tubag ug paghatag ug pagtagad niining akong mga pangutana. God Bless! —Buyer
Dear Buyer,
Kining mga saup o tenant, protektado kini sila sa balaud. Tungod niini, dili sila bastabasta nga mapapahawa sa property bisan pa kon ibaligya na ang yuta nga ilang gitikad o lain na ang tag-iya niini. Sama sa imong kaso, kon imong papahawaon ang tenant ug magdumili kini sa pagpahawa, dili gyud ka makapugos kanila. Apan kon mitanyag ang tenant nga willing sila nga mohawa basta bayran lang sila sa ilang tinanum, mamahimo ra sad kana kay boluntaryo man ang ilang paghawa bugti sa bayad. Apan kinahanglan gyud nga papirmahon ang tenant nga miboluntaryo siya sa paghawa og midawat siya sa kantidad isip bayad sa iyang mga tinanum. Sa imong pangutana kon kinsay mobayad, kon ikaw ang katapusang buyer unya imo siyang papahawaon then ikaw gyud ang ma-obligar sa pagpakig-areglo sa saup pinaagi sa pagbayad niini. Thank you and God Bless. —Atty. Divine
* * *
Alang sa inyong pangutana palihug lang sa pag-email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado og Domingo.