Sa tinguha nga makapangalagad

Kinahanglang mohimo gyud og mga pamaagi aron sa ingon mahatagan og kahigayonan ang matag usa nga maalagaran bisan pa man sa kahagip-ot sa pundo ug sa kakuwang sa mga tawo.

Ang mahinungdanon mao man ang pagbutang sa matag tawo ngadto sa iyang hustong dapit. Hustong dapit diini makalihok siya sigun sa iyang karisma. Hustong dapit diin mamahimo siyang mabungahon ug mapuslanon. Dili lang kadtong gitawag og dole out lamang.

Hinuon ideal kining maong panlantaw. Sa mosugot ta ug sa dili duna gyuy kakuwangan ang tanan.

Kuwang tungod limitado ra man gyud tawon ang matag effort nga pagahimoon.

Ang tanan daw dili mamahimong hingpit sa mata sa kinabag-an.

Duna gyuy ikasaway, duna gyuy ikasulti. Kun mag-agad lang ta kanunay sa gipamulong sa kadaghanan nan, malisud alang nato ang pagpadayon sa pagpakabuhi.

Kun mabuhi man gani ta, nan, mamahimong miserable tungod kay atong gitugotan ang laing tawo nga maoy magbuot sa atong padulngan. Mao nga kinahanglang maantigo kitang mohukom labina ning mga panahona karon.

Gihinayhinay og wagtang ang arancel system sa simbahan ning mga panahona karon.

Ning panahon sa pandemiya naningkamot pud baya ang simbahan nga dunay mahimo ug matabang sa mga tawo nga nagkinahanglan labina gyud tong sakop sa iyang panon.

Dili paigo ang pag-ampo ug kinahanglan ang pag-ampo buligan pud og lihok. Mao ni ang kahulogan kun maghisgot kita og MAKALIPANG.

Ang makalipang nagpasabot man og: Maayong Balita (Pulong sa Dios) Kasinatian nato sa adlaw adlaw ug sa unsang paagi ang Dios nipadayag sa iyang kaugalingon.

Lihok kun ang konkretong pagsanong sa panginahanglan. Patay ang pagtuo kun wala kini. Pangamuyo.

Diin nahimong mas mahinungdanon ang makanunayong pag-ampo agig paglangkob sa inadlaw nga panlimbasog.

Daghan pa gyud unta kaayo kita og matagik apan ang hunahuna ug pagbati nahimong maglisud pagpadayag sa tinud-anay nga gibati nga mahimong mahatagan og kinabuhi diha sa usa ka yanong panahom.