Adultery

Dear Atty. Divine,

Buwag ko sa bana sud na sa lima ka tuig. Wa na mi communication  after nako siya gibiyaan kay usa man ko ka battered wife kaniadto. Ten years ming nagtipon sa akong bana apan sa dihang nagbisyo siya sa illegal nga drugas nausab ang batasan sa akong bana ug kusog na mangulata hinungdan nga ako siyang gibiyaan. Wa mi anak. Karon aduna koy karelasyon ug plano  unta namo nga maglive-in. Ang akong pangutana kun pwede pa ba ko magukod sa akong bana kun makigpuyo ko og lain nga dugay na man mi nga nagbuwag? Daghang salamat. —Liza

Dear Liza,

Kun wa ma annul sa Korte ang imong kaminyuon, bisan kun dugay na mong nagbuwag sa imong bana  mamahimo gihapon ka niyang ikiha og Adultery kun ikaw makigtipon og laing lalaki. Basi Article 333 sa atong Revised Penal Code, ang usa ka asawa mamahimong mapasakaan og kasong Adultery kun siya makigrelasyon og laing lalaki. Busa mas maayo nga imo unang ipa annul ang imong previous marriage ug kun ma grant kini sa Korte then that's the time nga makigtipon ka sa imong karelasyon. Thanks and God bless. —Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.